ജെയിംസ് കാമറൂണിന്റെ ‘അവതാർ 2’, ‘Star Wars: The Force Awakens’-നെ മറികടന്ന് എക്കാലത്തെയും ഏറ്റവും കൂടുതൽ കളക്ഷൻ നേടിയ നാലാമത്തെ ചിത്രമായി മാറി, മൊത്തം 2.075 ബില്യൺ ഡോളർ ആഗോള ബോക്സ് ഓഫീസ് വരുമാനം നേടി.
‘സ്റ്റാർ വാർസ്: ദി ഫോഴ്സ് എവേക്കൻസ്’, 2015 ൽ $2.064 ബില്യൺ നേടിയിരുന്നു
‘സ്പൈഡർമാൻ: നോ വേ ഹോം’ (1.92 ബില്യൺ ഡോളർ), ‘അവഞ്ചേഴ്സ്: ഇൻഫിനിറ്റി വാർ’ (2.05 ബില്യൺ ഡോളർ) എന്നിവയെ മറികടന്ന് എക്കാലത്തെയും ഉയർന്ന വരുമാനം നേടിയ ചിത്രങ്ങളിൽ ‘അവതാർ: ദി വേ ഓഫ് വാട്ടർ’ അതിവേഗം ഉയർന്നു. പട്ടികയിൽ ‘അവതാർ’ ($2.92 ബില്യൺ), ‘അവഞ്ചേഴ്സ്: എൻഡ്ഗെയിം’ ($2.79 ബില്യൺ), ‘ടൈറ്റാനിക്’ ($2.2 ബില്യൺ) എന്നിവയ്ക്ക് താഴെയാണ് സ്ഥാനം
‘അവതാർ: ദി വേ ഓഫ് വാട്ടർ’ 1.46 ബില്യൺ ഡോളർ സമ്പാദിച്ച് അന്താരാഷ്ട്രതലത്തിൽ ഏറ്റവും കൂടുതൽ വരുമാനം നേടിയ നാലാമത്തെ ചിത്രമായി മാറി. കൂടാതെ, അമേരിക്കയിൽ ഏറ്റവും കൂടുതൽ വരുമാനം നേടിയ ചിത്രങ്ങളിൽ 12-ാം സ്ഥാനത്താണ്, വാരാന്ത്യം അവസാനിക്കുന്നതിന് മുമ്പ് പട്ടികയിൽ മുന്നേറാൻ സാധ്യതയുണ്ട്.
ചരിത്രത്തിലെ ഏറ്റവും കൂടുതൽ കളക്ഷൻ നേടിയ ആദ്യ നാല് ചിത്രങ്ങളിൽ മൂന്ന് ഇപ്പോൾ സംവിധായകൻ ജെയിംസ് കാമറൂണിനുണ്ട്.
‘അവതാർ’ ഒന്നാമതും, ‘ടൈറ്റാനിക്’ മൂന്നാം സ്ഥാനത്തും ‘ദ ഫോഴ്സ് എവേക്കൻസ്’ നാലാം സ്ഥാനത്തുമുണ്ട്
‘അവതാർ’ ഫ്രാഞ്ചൈസിയിലെ മൂന്നാമത്തെയും നാലാമത്തെയും അഞ്ചാമത്തെയും ചിത്രത്തിനു വേണ്ടിയുള്ള ആലോചനകൾ ഇതിനകം നടന്നുകൊണ്ടിരിക്കുകയാണ്, മൂന്നാം ഭാഗം 2024 ഡിസംബറിൽ റിലീസ് ചെയ്യും.
2023ലെ ഓസ്കാറിൽ മികച്ച ചിത്രം, പ്രൊഡക്ഷൻ ഡിസൈൻ, സൗണ്ട്, വിഷ്വൽ ഇഫക്റ്റുകൾ എന്നിവയ്ക്കുള്ള നോമിനേഷനുകൾ ‘ദി വേ ഓഫ് വാട്ടർ’ നേടിയിട്ടുണ്ട്.l
