കേരളം അതിന്റെ ഡിജിറ്റൈസേഷൻ സംരംഭമായ കെ-സ്മാർട്ട് ആരംഭിക്കുന്നതിനാൽ, സംസ്ഥാനത്തെ തദ്ദേശഭരണ സ്ഥാപനങ്ങളുടെ എല്ലാ സേവനങ്ങളും 2024 ജനുവരി 1 മുതൽ മൊബൈൽ ഫോണ് വഴി ലഭ്യമാകും.

 ഇ-ഗവേണൻസ് പദ്ധതിയായ കേരള സൊല്യൂഷൻസ് ഫോർ മാനേജിംഗ് അഡ്മിനിസ്ട്രേറ്റീവ് റിഫോർമേഷൻ ആൻഡ് ട്രാൻസ്ഫോർമേഷൻ (കെ-സ്മാർട്ട്) ജനുവരി ഒന്നിന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഇത്തരമൊരു സേവനം ആരംഭിക്കുന്ന ഇന്ത്യയിലെ ആദ്യ സംസ്ഥാനമായി കേരളം മാറും.

 തദ്ദേശ സ്വയംഭരണ വകുപ്പിനായി ഇൻഫർമേഷൻ കേരള മിഷൻ വികസിപ്പിച്ച കെ-സ്മാർട്ട് പ്ലാറ്റ്‌ഫോം, വിവിധ സർട്ടിഫിക്കറ്റുകൾക്കും പെർമിറ്റുകൾക്കുമുള്ള അപേക്ഷകൾ, പരാതികൾ സമർപ്പിക്കൽ എന്നിവ ഉൾപ്പെടെ നിരവധി സേവനങ്ങൾ നല്കുന്നതായിരിക്കും.

തുടക്കത്തിൽ കെ-സ്മാർട്ട്  വഴിയുള്ള സേ വനം സംസ്ഥാനത്തെ എല്ലാ മുനിസിപ്പാലിറ്റികളിലും മുനിസിപ്പൽ കോർപ്പറേഷനുകളിലും ലഭ്യമാവും, ഏപ്രിലോടെ എല്ലാ പഞ്ചായത്തുകളിലേക്കും വ്യാപിപ്പിക്കുമെന്ന് ഉദ്യോഗസ്ഥർ പറഞ്ഞു.

 ഇത്തരമൊരു സംരംഭം ഇന്ത്യയിൽ ആദ്യത്തേത് ആയതിനാൽ  കെ-സ്മാർട്ട് ആപ്ലിക്കേഷൻ ദേശീയ മാതൃകയാകുമെന്ന് സംസ്ഥാന തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പറഞ്ഞു.

 “ജനുവരി 1 മുതൽ, എല്ലാ 93 മുനിസിപ്പാലിറ്റികളുടെയും മുനിസിപ്പൽ കോർപ്പറേഷനുകളുടെയും സേവനങ്ങൾ ഓൺലൈനിൽ ലഭ്യമാകും. സേവനങ്ങൾ പ്രയോജനപ്പെടുത്തുന്നതിന് ആളുകൾ ഇനി തദ്ദേശ സ്വയംഭരണ സ്ഥാപനങ്ങളുടെ ഓഫീസുകൾ സന്ദർശിക്കേണ്ടതില്ല. എല്ലാം അവരുടെ വിരൽത്തുമ്പിൽ ലഭ്യമാകും.”  അഹേം പറഞ്ഞു.

‘ഈ സംരംഭം “കാര്യക്ഷമവും സുതാര്യതയും അഴിമതി രഹിത സേവനങ്ങളും ഉറപ്പാക്കും. ആളുകൾക്ക് സമയവും പണവും ലാഭിക്കാൻ കഴിയുമെന്നും” മന്ത്രി രാജേഷ് കൂട്ടിച്ചേർത്തു.

 ഓഫീസുകൾ സന്ദർശിക്കാതെ തന്നെ തദ്ദേശ സ്ഥാപനങ്ങളുടെ സേവനങ്ങൾ ലഭ്യമാക്കാൻ കഴിയുന്നതിനാൽ ഈ പ്ലാറ്റ്ഫോം പ്രവാസികൾക്ക് പ്രത്യേകിച്ചും പ്രയോജനകരമാകും. പ്രവാസികൾക്ക്  വിദേശത്തു നിന്നു വിവാഹ രജിസ്ട്രേഷനുകളും മറ്റ് നടപടിക്രമങ്ങളും പൂർത്തിയാക്കാൻ കഴിയുമെന്ന് അധികൃതർ കൂട്ടിച്ചേർത്തു.