ന്യൂഡൽഹി: ദേശീയ ഭക്ഷ്യസുരക്ഷാ നിയമ പ്രകാരം (എൻഎഫ്എസ്എ) 81.3 കോടി ജനങ്ങൾക്ക് ഒരു വർഷത്തേക്ക് സൗജന്യ റേഷൻ വിതരണം ചെയ്യാൻ കേന്ദ്രസർക്കാർ വെള്ളിയാഴ്ച തീരുമാനിച്ചു.
കേന്ദ്ര മന്ത്രിസഭാ തീരുമാനത്തെക്കുറിച്ച് മാധ്യമങ്ങളോട് സംസാരിച്ച പിയൂഷ് ഗോയൽ, എൻഎഫ്എസ്എ പ്രകാരം സൗജന്യ റേഷൻ നൽകുന്നതിനുള്ള മുഴുവൻ ചെലവും കേന്ദ്രം വഹിക്കുമെന്നും ഖജനാവിന് വാർഷിക ചെലവ് ഏകദേശം 2 ലക്ഷം കോടി രൂപയോളം വരുമെന്നും പറഞ്ഞു.
ഭക്ഷ്യനിയമം എന്നറിയപ്പെടുന്ന എൻഎഫ്എസ്എ പ്രകാരം നിലവിൽ ഒരാൾക്ക് 5 കിലോഗ്രാം ഭക്ഷ്യധാന്യം കിലോയ്ക്ക് 2-3 രൂപ നിരക്കിൽ സർക്കാർ നൽകുന്നുണ്ട്
അന്ത്യോദയ അന്ന യോജന (എഎവൈ)യുടെ കീഴിൽ വരുന്ന കുടുംബങ്ങൾക്ക് പ്രതിമാസം 35 കിലോഗ്രാം ഭക്ഷ്യധാന്യം ലഭിക്കും.
ഈ നിയമപ്രകാരം പാവപ്പെട്ടവർക്ക് കിലോയ്ക്ക് മൂന്ന് രൂപ നിരക്കിലും ഗോതമ്പ് കിലോയ്ക്ക് രണ്ട് രൂപ നിരക്കിലും വിതരണം ചെയ്യുന്നു.
അതിനിടെ, ഡിസംബർ 31ന് അവസാനിക്കുന്ന സൗജന്യ റേഷൻ പദ്ധതിയായ പ്രധാനമന്ത്രി ഗരീബ് കല്യാൺ അന്ന യോജന (പിഎംജികെഎവൈ) നീട്ടേണ്ടതില്ലെന്ന് കേന്ദ്ര സർക്കാർ തീരുമാനിച്ചു.
ഏറ്റവും പുതിയ മന്ത്രിസഭാ തീരുമാനത്തെ “രാജ്യത്തെ ദരിദ്രർക്കുള്ള പുതുവത്സര സമ്മാനം” എന്ന് വിശേഷിപ്പിച്ച സർക്കാർ ഉദ്യോഗസ്ഥർ ഈ നിയമപ്രകാരം 80 കോടിയിലധികം ആളുകൾക്ക് ഇപ്പോൾ സൗജന്യ റേഷൻ ലഭിക്കുമെന്ന് പറഞ്ഞു.
