ഇന്ത്യയുടെ  മുരളി വിജയ് തിങ്കളാഴ്ച അന്താരാഷ്ട്ര ക്രിക്കറ്റിന്റെ എല്ലാ ഫോർമാറ്റുകളിൽ നിന്നും വിരമിക്കൽ പ്രഖ്യാപിച്ചു.

2018 ഡിസംബറിൽ അവസാനമായി ഇന്ത്യക്ക്  വേണ്ടി കളിച്ച  ഇന്ത്യൻ ബാറ്റ്സ്മാൻ തന്റെ തീരുമാനം സോഷ്യൽ മീഡിയയിൽ അറിയിച്ചു.

“ഇന്ന്, അങ്ങേയറ്റം നന്ദിയോടും വിനയത്തോടും കൂടി, എല്ലാത്തരം അന്താരാഷ്ട്ര ക്രിക്കറ്റിൽ നിന്നും ഞാൻ വിരമിച്ചതായി പ്രഖ്യാപിക്കുന്നു. 2002 മുതൽ 2018 വരെയുള്ള എന്റെ യാത്ര എന്റെ ജീവിതത്തിലെ ഏറ്റവും മികച്ച വർഷങ്ങളാണ്, കാരണം അത് കായികരംഗത്തെ ഏറ്റവും ഉയർന്ന തലത്തിൽ ഇന്ത്യയെ പ്രതിനിധീകരിക്കുന്നതിന് ലഭിച്ച ബഹുമതിയാണ്,”  ഇന്ത്യൻ താരം ട്വിറ്ററിൽ കുറിച്ചു.

ക്രിക്കറ്റിന്റെ ലോകത്തും അതിന്റെ ബിസിനസ്സ് മേഘലകളിലും പുതിയ അവസരങ്ങൾ ഞാൻ തേടുകയാണ് .ഒരു ക്രിക്കറ്റ് കളിക്കാരനെന്ന നിലയിലുള്ള എന്റെ യാത്രയുടെ അടുത്ത ഘട്ടമാണിതെന്ന് ഞാൻ വിശ്വസിക്കുന്നു, എന്റെ ജീവിതത്തിലെ ഈ പുതിയ അധ്യായത്തിനായി ഞാൻ കാത്തിരിക്കുകയാണ്,” അദ്ദേഹം കൂട്ടിച്ചേർത്തു.

അതേസമയം, ഇന്ത്യൻ ബോർഡ്, തമിഴ്‌നാട് ക്രിക്കറ്റ് അസോസിയേഷൻ, പരിശീലകർ, ആരാധകർ എന്നിവർക്കും വിജയ് നന്ദി പറഞ്ഞു.  “ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യ (ബിസിസിഐ), തമിഴ്‌നാട് ക്രിക്കറ്റ് അസോസിയേഷൻ (ടിഎൻസിഎ), ചെന്നൈ സൂപ്പർ കിംഗ്‌സ്, ചെംപ്ലാസ്റ്റ് സാൻമാർ എന്നിവർ എനിക്ക് നൽകിയ അവസരങ്ങൾക്ക് ഞാൻ നന്ദിയുള്ളവനാണ്. എന്റെ എല്ലാ ടീമംഗങ്ങൾക്കും പരിശീലകർക്കും ഉപദേഷ്ടാക്കൾക്കും സപ്പോർട്ട് സ്റ്റാഫിനും:  നിങ്ങളോടെല്ലാം കളിക്കാൻ കഴിഞ്ഞത് ഒരു വലിയ അംഗീകാരമാണ്, എന്റെ സ്വപ്നം യാഥാർത്ഥ്യമാക്കാൻ സഹായിച്ചതിന് എല്ലാവർക്കും നന്ദി,” അദ്ദേഹം എഴുതി.

“അന്താരാഷ്ട്ര കായികരംഗത്തെ ഉയർച്ച താഴ്ചകളിലൂടെ എന്നെ പിന്തുണച്ച ക്രിക്കറ്റ് ആരാധകർക്ക്, നിങ്ങൾക്കൊപ്പം ചിലവഴിച്ച നിമിഷങ്ങൾ ഞാൻ എന്നേക്കും വിലമതിക്കും, നിങ്ങളുടെ പിന്തുണ എപ്പോഴും എനിക്ക് പ്രചോദനത്തിന്റെ ഉറവിടമാണ്,” അദ്ദേഹം കൂട്ടിച്ചേർത്തു.  തന്റെ കുടുംബത്തിനും സുഹൃത്തുക്കൾക്കും നന്ദി പറയുകയും ഇന്ത്യൻ ടീമിന് ഭാവിയിൽ എല്ലാ ആശംസകളും നേരുകയും ചെയ്തു.

38-കാരനായ വിജയ് 2008 നവംബർ 6-ന് ഒരു ടെസ്റ്റ് മത്സരത്തിൽ ഇന്ത്യയ്‌ക്കായി  അന്താരാഷ്ട്ര അരങ്ങേറ്റം നടത്തി. 2010-കളുടെ തുടക്കം മുതൽ 2017 വരെ ഇന്ത്യയ്‌ക്കായി നിർണായക ഓപ്പണിംഗ് ബാറ്റ്സ്മാനായിരുന്നു അദ്ദേഹം. 61 മത്സരങ്ങളിൽ  കളിച്ചിട്ടുണ്ട്,  12 ടണ്ണും 15 ഹാഫ് ടണ്ണും ഉൾപ്പെടെ 38.29 ശരാശരിയിൽ 3982 റൺസ് അദ്ദേഹം നേടിയിട്ടുണ്ട്.  ഏകദിനത്തിൽ, ടീം ഇന്ത്യയ്ക്കായി 17 മത്സരങ്ങൾ കളിച്ച അദ്ദേഹം 21.18 ശരാശരിയിലും 66.99 സ്ട്രൈക്ക് റേറ്റിലും 339 റൺസ് നേടി.
അദ്ദേഹത്തിന് ഒരു അർധസെഞ്ചുറി മാത്രമാണുണ്ടായിരുന്നത്.  അന്താരാഷ്ട്ര ടി20യിൽ ടീം ഇന്ത്യയ്ക്കായി ഒമ്പത് മത്സരങ്ങൾ കളിച്ച അദ്ദേഹം 169 റൺസ് നേടി.  അദ്ദേഹത്തിന് 18-ന് മുകളിൽ ശരാശരിയും 109-ലധികം സ്‌ട്രൈക്ക് റേറ്റും ഉണ്ടായിരുന്നു.