ഞായറാഴ്ച സിംബാബ്‌വെയ്‌ക്കെതിരായ രണ്ടാം ടി20യിൽ മിന്നുന്ന സെഞ്ച്വറിയുമായി യുവ ഓപ്പണർ അഭിഷേക് ശർമ്മ അന്താരാഷ്ട്ര വേദിയിലേക്ക് തൻ്റെ വരവ് അറിയിച്ചു. ശർമ്മ 46 പന്തിൽ 100 റൺസ് നേടി ഇന്ത്യയെ 234/2 എന്ന കൂറ്റൻ സ്‌കോറിലേക്ക് നയിച്ചു.ടി20 ഇൻ്റർനാഷണലിൽ സിംബാബ്‌വെയ്‌ക്കെതിരെ ഇന്ത്യ നേടുന്ന ഏറ്റവും ഉയർന്ന സ്‌കോറാണിത്.

 പരമ്പരയുടെ ആദ്യ മത്സരത്തിൽ ഇന്ത്യയുടെ  ബാറ്റിംഗ് തകർച്ചയ്ക്ക് ശേഷം ഈ ആധിപത്യ പ്രകടനം ശ്രദ്ധേയമായ തിരിച്ചുവരവ് രേഖപ്പെടുത്തി. എട്ട് സിക്‌സറുകളും ഏഴ് ബൗണ്ടറികളും അടങ്ങുന്ന ഇന്നിംഗ്സിൽ ഐപിഎല്ലിൻ്റെ സിക്‌സർ സ്‌പെഷ്യലിസ്റ്റായ ശർമ്മ  തൻ്റെ കഴിവ് പ്രകടിപ്പിച്ചു.

77 റൺസ് നേടിയ റുതുരാജ് ഗെയ്‌ക്‌വാദും ഇന്ത്യക്കായി നിർണായക പ്രകടനം കാഴ്ച്ച വച്ചു. അവരുടെ 106 റൺസിൻ്റെ ഓപ്പണിംഗ് കൂട്ടുകെട്ട് ഇന്ത്യയുടെ വലിയ സ്കോറിന് അടിത്തറയിട്ടു. മറുപടി ബാറ്റിംഗിൽ സിംബാബ്‌വെ 18.4 ഓവറിൽ 134 റൺസിന് ഓൾ ഔട്ടായി .100 റൺസിന് ഇന്ത്യ കളി ജയിച്ചു