ബിഹാറിലെ ഒരു സർക്കാർ സ്‌കൂളിൽ ശനിയാഴ്ച കുട്ടികൾക്ക് വിളമ്പിയ ഉച്ചഭക്ഷണത്തിൽ പാമ്പിനെ കണ്ടെത്തിയതിനെ 100 സ്കൂൾ കുട്ടികളെ ആശുപത്രിയിൽ പ്രവേശിപ്പിച്ചു. അരാരിയ ജില്ലയിലെ ഫോർബ്സ്ഗഞ്ചിലെ സർക്കാർ സ്‌കൂളിലാണ് സംഭവം.
ഭക്ഷണം കഴിച്ച് 100 കുട്ടികൾ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ചികിത്സയ്ക്കായി ഫോർബ്സ്ഗഞ്ചിലെ ആശുപത്രിയിൽ പ്രവേശിപ്പിച്ചു.
ഉച്ചയ്ക്ക് ഒരു എൻ‌ജി‌ഒ തയ്യാറാക്കിയ ഭക്ഷണം കുട്ടികൾക്ക് വിളമ്പുന്നതിനിടെയാണ് പ്ലേറ്റുകളിലൊന്നിൽ പാമ്പിനെ കണ്ടെത്തിയത്. സ്‌കൂളിൽ വാർത്ത പരന്നതോടെ ഭക്ഷണവിതരണം നിർത്തിവച്ചു. എന്നിരുന്നാലും, ഇതിനകം ഭക്ഷണം കഴിച്ച വിദ്യാർത്ഥികൾക്ക് ഛർദ്ദിക്കാൻ തുടങ്ങി, ഉടൻ തന്നെ ഫോർബ്സ്ഗഞ്ച് ആശുപത്രിയിൽ പ്രവേശിപ്പിച്ചു. എസ്ഡിഎം, എസ്ഡിഒ, ഡിഎസ്പി ഉൾപ്പെടെയുള്ള മുതിർന്ന ഉദ്യോഗസ്ഥർ സ്ഥിതിഗതികൾ വിലയിരുത്താൻ സ്ഥലത്തെത്തി. സംഭവത്തിൽ അന്വേഷണം നടക്കുകയാണ്. ഇതിനിടെ വിദ്യാഭ്യാസ വകുപ്പിലെ ഉദ്യോഗസ്ഥരും ഡിഇഒയും കുട്ടികളെ കാണാൻ ആശുപത്രിയിലെത്തി. ഉദ്യോഗസ്ഥർ സ്‌കൂളിലെത്തി അധ്യാപകരുമായും ജീവനക്കാരുമായും സംസാരിച്ചു. “ഉച്ചഭക്ഷണത്തിന്റെ ഗുണനിലവാരത്തെക്കുറിച്ച് ഞങ്ങൾ നിരവധി തവണ എൻജിഒയ്ക്ക് പരാതി നൽകിയെങ്കിലും അവർ ചെവിക്കൊണ്ടില്ല,” സ്കൂൾ അധ്യാപകർ ആരോപിച്ചു. “എങ്ങനെയെന്ന് ഞങ്ങൾക്ക് അറിയില്ല. ഉച്ചഭക്ഷണത്തിലാണ് ചത്ത പാമ്പിനെ കണ്ടെത്തിയത്,” തന്റെ ഐഡന്റിറ്റി വെളിപ്പെടുത്താതെ എൻജിഒയിലെ ഒരു ഉദ്യോഗസ്ഥൻ പറഞ്ഞു.
