ഇന്ത്യൻ വ്യോമസേനയുടെ മിഗ്-21 യുദ്ധവിമാനം തിങ്കളാഴ്ച രാവിലെ രാജസ്ഥാനിലെ ഹനുമാൻഗഡ് ഗ്രാമത്തിന് സമീപം തകർന്നുവീണു രണ്ട് പേർ മരിച്ചു.പൈലറ്റ് സുരക്ഷിതനാണ്.

സൂറത്ത്ഗഡിൽ നിന്നാണ് വിമാനം പറന്നുയർന്നത്. പിലിബംഗയിലെ ബഹലോൽ നഗറിലാണ് യുദ്ധവിമാനം തകർന്നുവീണത്.

രക്ഷാപ്രവർത്തനത്തിനായി കരസേനയുടെ ഹെലികോപ്റ്റർ അപകടസ്ഥലത്ത് എത്തിയതായി വൃത്തങ്ങൾ അറിയിച്ചു.
രണ്ട് സിവിലിയൻമാരെങ്കിലും കൊല്ലപ്പെട്ടതായി അഡീഷണൽ പോലീസ് സൂപ്രണ്ട് ജസ്സറാം ബോസ് അറിയിച്ചു.

ഹനുമാൻഗഡ് ജില്ലയിലെ ബഹ്‌ലോൽനഗറിലെ വീടിന് മുകളിൽ വിമാനം തകർന്ന് രണ്ട് സ്ത്രീകൾ മരിക്കുകയും ഒരാൾക്ക് പരിക്കേൽക്കുകയും ചെയ്തതായി പോലീസ് അറിയിച്ചു.

.