അർജന്റീനയുടെ മാനേജർ ലയണൽ സ്കലോണി എംഎൽ എസ്-ൽ ലയണൽ മെസ്സിയുടെ കൂടെ കളിക്കുന്ന തിയാഗോ അൽമാഡയെ വാഴ്ത്തുകയുണ്ടായി. എംഎൽഎസിൽ നിന്നും അൽമാഡ പോലുള്ള കൂടുതൽ കളിക്കാർ ഉയർന്നു വന്നേക്കാമെന്നും സ്കലോണി പറഞ്ഞു.

അൽമാഡയുടെ കളിയെ പ്രശംസിച്ച സ്കലോണി അദ്ദേഹത്തെ “മെസ്സിയുമായി ഏറ്റവും പൊരുത്തപ്പെടുന്ന” കളിക്കാരനായി വിശേഷിപ്പിച്ചു. ഖത്തറിലെ ലോകകപ്പിൽ ഒരു മത്സരത്തിൽ അൽമാഡ കളിച്ചിരുന്നു. വരും വർഷങ്ങളിൽ അർജന്റീനയുടെ പ്രധാന താരമായിരിക്കുമെന്നാണ് പ്രതീക്ഷ. ഇതുവരെ അദ്ദേഹം നാല് മത്സരങ്ങളിൽ കളിച്ചിട്ടുണ്ട്, 2023-ൽ പനാമയ്ക്കെതിരായ സൗഹൃദ മത്സരത്തിൽ തന്റെ ആദ്യ ഗോൾ നേടി.

എംഎൽഎസിനെക്കുറിച്ച് സംസാരിക്കവേ സ്കലോണി പറഞ്ഞത് ഇതാണ്, “എംഎൽ എസ് ഇപ്പോഴും വളർന്നുവരുന്ന ലീഗാണ്. പക്ഷേ, അവിടെ മികച്ച കളിക്കാർ ഉണ്ട്, കൂടുതൽ കളിക്കാർ അവിടെ നിന്നും പുറത്തു വരും.”

അടുത്ത കോപ്പ അമേരിക്കയ്ക്കും ലോകകപ്പിനുമുള്ള ടീമിലേക്ക് പുതിയ കളിക്കാരെ തിരഞ്ഞെടുക്കുന്ന കാര്യത്തിൽ എംഎൽഎസിലെ കളിക്കാരെയും പരിഗണിക്കുമെന്ന് സ്കലോണി സൂചന നൽകി.

അർജൻ്റീനിയൻ ടീമായ വെലെസ് സാർസ്ഫീൽഡിൽ നിന്നാണ് 16 മില്യൺ ഡോളറിന് അറ്റ്ലാൻ്റ യുണൈറ്റഡിലേക്ക് അൽമാഡ മാറിയത്.  തൻ്റെ ആദ്യ സീസണിൽ തന്നെ എംഎൽഎസ് ന്യൂകമർ ഓഫ് ദ ഇയർ പുരസ്‌കാരം നേടിയ അദ്ദേഹം 2023-ൽ എംഎൽഎസ് യംഗ് പ്ലെയർ ഓഫ് ദ ഇയർ ആയി തിരഞ്ഞെടുക്കപ്പെട്ടു.

ഇതുവരെ അർജന്റീനൻ ദേശീയ ടീമിൽ കളിച്ച എംഎൽഎസ് താരങ്ങളിൽ ഏറ്റവും പ്രശസ്തൻ ന്യൂയോർക്ക് സിറ്റിയുടെ താരമായ മാക്സി മോറാലസ് ആണ്. 2021 കോപ്പ അമേരിക്കയിൽ അർജന്റീനയ്ക്കായി കളിച്ചിരുന്നു.