സർക്കാർ ഉടമസ്ഥതയിലുള്ള ഭാരത് സഞ്ചാർ നിഗം ലിമിറ്റഡ് (ബിഎസ്എൻഎൽ) 2024 ഓഗസ്റ്റ് മുതൽ ഇന്ത്യയിലുടനീളം 4ജി സേവനങ്ങൾ ആരംഭിക്കാൻ ഒരുങ്ങുന്നു. ഔദ്യോഗിക സ്രോതസ്സുകൾ പ്രകാരം, സർക്കാറിൻ്റെ ആത്മനിർഭർ ഭാരത് നയവുമായി യോജിപ്പിച്ച് പൂർണ്ണമായും തദ്ദേശീയമായ സാങ്കേതികവിദ്യയെ ഉപയോഗിച്ചാണ് ഇത് നടപ്പിലാക്കുക
പരീക്ഷണ ഘട്ടത്തിൽ സെക്കൻഡിൽ 40-45 മെഗാബൈറ്റ് സ്പീഡ് കൈവരിച്ചതായി ബിഎസ്എൻഎൽ അധികൃതർ അറിയിച്ചു. ഈ പൈലറ്റ് 4G നെറ്റ്‌വർക്ക് 700 MHz, 2,100 MHz എന്നിവയുടെ പ്രീമിയം സ്പെക്‌ട്രം ബാൻഡുകൾ ഉപയോഗിച്ചു.
പഞ്ചാബിൽ 4ജി സേവനങ്ങൾ കമ്പനി ആരംഭിച്ചു കഴിഞ്ഞു. ഐടി പ്രമുഖരായ ടാറ്റ കൺസൾട്ടൻസി സർവീസസും (ടിസിഎസ്) സർക്കാർ നടത്തുന്ന സെൻ്റർ ഫോർ ഡെവലപ്‌മെൻ്റ് ഓഫ് ടെലിമാറ്റിക്‌സും (സി-ഡോട്ട്) നേതൃത്വം നൽകുന്ന ഒരു കൺസോർഷ്യം തദ്ദേശീയമായി വികസിപ്പിച്ച സാങ്കേതികവിദ്യയാണ് ഈ സംവിധാനം ഉപയോഗിക്കുന്നത്. പഞ്ചാബ് റോൾഔട്ട് 8 ലക്ഷത്തോളം വരിക്കാരെ വിജയകരമായി ഉൾപ്പെടുത്തിയിട്ടുണ്ട്.
