ന്യൂഡൽഹി: ഇന്ത്യയുടെ G20 നേതൃത്വത്തിൻ്റെ ഭാഗമായി, കേന്ദ്ര ഇലക്ട്രോണിക്‌സ് ആൻഡ് ഇൻഫർമേഷൻ ടെക്‌നോളജി മന്ത്രി അശ്വിനി വൈഷ്ണവ്  “സ്റ്റേ സേഫ് ഓൺ‌ലൈനും” “G20 ഡിജിറ്റൽ ഇന്നൊവേഷൻ അലയൻസും” (G20-DIA) ആരംഭിച്ചു. 

നീതി ആയോഗ് (NITI Aayog)  മേധാവി അമിതാഭ് കാന്ത്, കേന്ദ്ര മന്ത്രാലയങ്ങളിലെയും വകുപ്പുകളിലെയും പ്രമുഖർ,ജി20 ഷെർപ്പ,എംബസികളുടെയും കോൺസുലേറ്റുകളുടെയും പ്രതിനിധികൾ, സർക്കാർ, വ്യവസായ അസോസിയേഷനുകൾ, സോഷ്യൽ മീഡിയ പ്ലാറ്റ്‌ഫോമുകൾ, സ്റ്റാർട്ടപ്പുകൾ, സിവിൽ സൊസൈറ്റി ഓർഗനൈസേഷനുകൾ എന്നിവയിൽ നിന്നുള്ള അതിഥികൾ ചടങ്ങിൽ പങ്കെടുത്തു.

ഔദ്യോഗിക പ്രസ്താവന പ്രകാരം, G20 ഡിജിറ്റൽ ഇക്കണോമി വർക്കിംഗ് ഗ്രൂപ്പിന്റെ (DEWG) നോഡൽ മന്ത്രാലയമായ MeitY, മുൻ പ്രസിഡന്റുമാരുടെ കാലത്ത് നിരവധി വർക്കിംഗ് ഗ്രൂപ്പുകളിലും മന്ത്രിതല സെഷനുകളിലും ഇന്ത്യയെ പ്രതിനിധീകരിച്ചിട്ടുണ്ട്.

ഇന്ത്യ G20 പ്രസിഡന്റായിരിക്കുമ്പോൾ, MeitY മൂന്ന് മുൻഗണനാ മേഖലകളിൽ ശ്രദ്ധ കേന്ദ്രീകരിക്കും, അതായത് ഡിജിറ്റൽ പബ്ലിക് ഇൻഫ്രാസ്ട്രക്ചർ (DPI), സൈബർ സുരക്ഷ, ഡിജിറ്റൽ നൈപുണ്യ വികസനം, ഒപ്പം DEWG ന് കീഴിലുള്ള സ്റ്റേ സേഫ് ഓൺലൈൻ കാമ്പെയ്‌നും DIA പ്രോഗ്രാമും.  സുരക്ഷിതമായ സൈബർ പരിതസ്ഥിതിയിൽ നവീകരണത്തിലൂടെയും ഭാവിയിൽ തയ്യാറെടുക്കുന്ന ഡിജിറ്റലായി വൈദഗ്ധ്യമുള്ള തൊഴിൽ ശക്തിയിലൂടെയും പൊതു സേവന വിതരണത്തിനായി ആഗോള ഡിജിറ്റൽ സമ്പദ്‌വ്യവസ്ഥയുടെ ഡിജിറ്റൽ പരിവർത്തനത്തിന്റെ കാഴ്ചപ്പാട് മുന്നോട്ട് കൊണ്ടുപോകാനാണ് MeitY ലക്ഷ്യമിടുന്നത്,” പ്രസ്താവനയിൽ പറയുന്നു.

എല്ലാം ഉൾകൊള്ളൂന്ന തത്വശാസ്ത്രത്തിലാണ് ഇന്ത്യ വിശ്വസിക്കുന്നതെന്ന് വൈഷ്ണവ് പറഞ്ഞു.ഇന്ത്യയുടെ ജനസംഖ്യാ അളവും യുപിഐ, ആധാർ തുടങ്ങിയ ഓപ്പൺ സോഴ്‌സ് ‘പബ്ലിക് ഡിജിറ്റൽ പ്ലാറ്റ്‌ഫോമുകളും’ സാമ്പത്തികവും സാമൂഹികവുമായ ഉൾപ്പെടുത്തലും നൂതനത്വവും പ്രദാനം ചെയ്തു. ഇന്ന് ആരംഭിച്ച രണ്ട് കാമ്പെയിനുകൾ  മാനുഷിക ചിന്താഗതിയിൽ അധിഷ്ഠിതമാണ് ‘.