വിനോദസഞ്ചാരം പ്രോത്സാഹിപ്പിക്കുന്നതിനായി ദുബായ് ഗവൺമെൻറ് ,മദ്യ ലൈസൻസിനുള്ള ഫീസും മദ്യവിൽപ്പനയ്ക്ക് 30% നികുതിയും അവസാനിപ്പിച്ചു
ദുബായ് ഗവൺമെൻറിൻറെ കീഴിലുള്ള മദ്യവിൽപ്പന സ്ഥാപനമാണ് ഈ പുതുവത്സരദിന പ്രഖ്യാപനം നടത്തിയതു. അതിനു ഭരണാധികാരിയായ അൽ മക്തൂം കുടുംബത്തിൽ നിന്നു അനുമതി ലഭിച്ചു
ദുബായുടെ സമ്പദ്‌വ്യവസ്ഥയുടെ പ്രധാന ഘടകമായി മദ്യവിൽപ്പന വളരെക്കാലമായി പ്രവർത്തിച്ചിട്ടുണ്ട്. അടുത്തിടെ ഖത്തറിൽ നടന്ന ലോകകപ്പിൽ ദുബായിലെ നിരവധി ബാറുകൾ യാത്രക്കാരായ ഫുട്ബോൾ ആരാധകരെ ആകർഷിച്ചു.
“നിങ്ങൾ ഇനി മറ്റ് എമിറേറ്റുകളിലേക്ക് ഡ്രൈവ് ചെയ്യേണ്ടതില്ല” എന്ന് പറഞ്ഞ് ഉപഭോക്താക്കളെ അതിന്റെ സ്റ്റോറുകളിൽ നിന്ന് വാങ്ങാൻ പ്രേരിപ്പിക്കുന്ന ഒരു പരസ്യവും മദ്യ വിതരണക്കാരായ മാരിടൈം മെർക്കന്റൈൽ ഇന്റർനാഷണൽ ( MMI )നൽകി.
ദുബൈ നിവാസികൾ വളരെക്കാലമായി ഉമ്മുൽ-ഖുവൈനിലേക്കും മറ്റ് എമിറേറ്റുകളിലേക്കും നികുതി രഹിത മദ്യം വാങ്ങുന്നതിനായി പോകാറുണ്ടൂ.
ദുബായിലെ നിയമപ്രകാരം അമുസ്‌ലിംകൾക്ക് മദ്യം കഴിക്കാൻ 21 വയസ്സോ അതിൽ കൂടുതലോ പ്രായമുണ്ടായിരിക്കണം. ബിയർ, വൈൻ, മദ്യം എന്നിവ വാങ്ങാനും കൊണ്ടുപോകാനും ഉപയോഗിക്കാനും അനുവദിക്കുന്ന ദുബായ് പോലീസ് നൽകുന്ന പ്ലാസ്റ്റിക് കാർഡുകൾ മദ്യപിക്കുന്നവർ കൈവശം വയ്ക്കണം.
ഇവയുടെ അഭാവത്തിൽ, അവർക്ക് പിഴയും അറസ്റ്റും നേരിടാം
ദുബായുമായി അതിർത്തി പങ്കിടുന്ന എമിറേറ്റായ ഷാർജ, സമീപ രാജ്യങ്ങളായ ഇറാൻ, കുവൈറ്റ്, സൗദി അറേബ്യ മദ്യം നിരോധിച്ചിട്ടുണ്ട്.
