ബീഹാറിലെ മർഹോറ പ്ലാൻ്റിൽ നിന്ന് ആദ്യമായി കയറ്റുമതി ആരംഭിക്കുന്നതിനാൽ ആഗോള ലോക്കോമോട്ടീവ് നിർമ്മാണ വ്യവസായത്തിൽ ഇന്ത്യ  മുന്നേറ്റം നടത്താൻ ഒരുങ്ങുകയാണ്.  ഇന്ത്യൻ റെയിൽവേയുടെയും വാബ്‌ടെക്കിൻ്റെയും സംയുക്ത സംരംഭമായ വാബ്‌ടെക് ലോക്കോമോട്ടീവ് പ്രൈവറ്റ് ലിമിറ്റഡ് ആഫ്രിക്കൻ വിപണിയിൽ ലോക്കോമോട്ടീവുകളുടെ വർദ്ധിച്ചുവരുന്ന ആവശ്യം നിറവേറ്റുന്നതിനായി ഉൽപ്പാദന ശേഷി വിപുലീകരിക്കുന്നതായി റെയിൽവേ മന്ത്രാലയം അറിയിച്ചു.

ഇന്ത്യയുടെ ലോക്കോമോട്ടീവ് നിർമ്മാണ മേഖലയുടെ സുപ്രധാന നാഴികക്കല്ല് അടയാളപ്പെടുത്തുന്ന കയറ്റുമതിക്കായി മാർഹോറ പ്ലാൻ്റ് എവല്യൂഷൻ സിരീസ് ES43ACmi ലോക്കോമോട്ടീവുകൾ നിർമ്മിക്കും.  ഈ ലോക്കോമോട്ടീവുകളിൽ  4,500 എച്ച്‌പി എവല്യൂഷൻ സീരീസ് എഞ്ചിനാണ് സജ്ജീകരിച്ചിരിച്ചിട്ടുള്ളത്, ഇത് അസാധാരണമായ ഇന്ധനക്ഷമതയ്ക്കും ഉയർന്ന താപനില ഉള്ള സാഹചര്യങ്ങളിൽ വിശ്വസനീയമായ പ്രകടനത്തിനും പേരുകേട്ടതാണ്.

ഈ പദ്ധതി പ്രധാനമന്ത്രി നരേന്ദ്ര മോദിയുടെ  നേതൃത്വത്തിന് കീഴിലുള്ള ഇന്ത്യൻ ഗവൺമെൻ്റിൻ്റെ “മേക്ക് ഇൻ ഇന്ത്യ”, “മേക്ക് ഫോർ ദ വേൾഡ്” എന്നീ സംരംഭങ്ങളുമായി തികച്ചും യോജിക്കുന്നു.  ഇന്ത്യയെ ഒരു ആഗോള ലോക്കോമോട്ടീവ് നിർമ്മാണ കേന്ദ്രമായി സ്ഥാപിക്കുന്നതിലൂടെ, മർഹോറ പ്ലാൻ്റ് രാജ്യത്തിൻ്റെ സാമ്പത്തിക വളർച്ചയ്ക്ക് മാത്രമല്ല, ദീർഘകാല തൊഴിലവസരങ്ങൾ സൃഷ്ടിക്കുന്നതിനും വികസിത വിതരണ ആവാസവ്യവസ്ഥയെ പരിപോഷിപ്പിക്കുന്നതിനും സഹായിക്കും.

മർഹോറ പ്ലാൻ്റ് അടുത്ത വർഷം മുതൽ ആഗോള ഉപഭോക്താക്കൾക്ക് ഈ ലോക്കോമോട്ടീവുകൾ കയറ്റുമതി ചെയ്യാൻ തുടങ്ങുന്നതിനാൽ, ഇത് അന്താരാഷ്ട്ര ലോക്കോമോട്ടീവ് വിപണിയിലെ ഒരു പ്രധാന നിർമ്മാതാവ് നിലയിൽ ഇന്ത്യയുടെ സ്ഥാനം ഉറപ്പിക്കും.  സാങ്കേതിക പുരോഗതിക്കും സുസ്ഥിരമായ ഉൽപ്പാദന രീതികൾക്കുമുള്ള രാജ്യത്തിൻ്റെ പ്രതിബദ്ധതയും ഈ വികസനം ഉയർത്തിക്കാട്ടുന്നു.