ദേശീയ പാതകളുടെ നിർമ്മാണത്തിൽ എട്ട് ദശലക്ഷം മെട്രിക് ടൺ വേർതിരിച്ച മാലിന്യം ഉപയോഗിച്ചതായി കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി പറഞ്ഞു. മഹാത്മാഗാന്ധിയുടെ ജന്മവാർഷികത്തോടനുബന്ധിച്ച് നാഗ്പൂർ മുനിസിപ്പൽ കോർപ്പറേഷൻ സംഘടിപ്പിച്ച പരിപാടിയിൽ സംസാരിക്കുകയായിരുന്നു മന്ത്രി.
സുസ്ഥിര വികസനത്തിൻ്റെ പ്രാധാന്യം അടിവരയിട്ട് അടിസ്ഥാന സൗകര്യ വികസന പദ്ധതികളിൽ സംസ്കരിച്ച പാഴ് വസ്തുക്കളുടെ നൂതനമായ ഉപയോഗം ഗഡ്കരി തൻ്റെ പ്രസംഗത്തിൽ എടുത്തുപറഞ്ഞു. നാഗ്പൂർ മുനിസിപ്പൽ കോർപ്പറേഷനിൽ നിന്നുള്ള ശുദ്ധീകരിച്ച മലിനജലം ഒരു താപവൈദ്യുത ഉൽപാദന പ്ലാൻ്റിലേക്ക് വിതരണം ചെയ്യുന്നുണ്ടെന്നും ഇത് വിഭവ പുനരുപയോഗത്തിനും പരിസ്ഥിതി സംരക്ഷണത്തിനുമുള്ള സുപ്രധാന ചുവടുവെപ്പാണ് .
കൂടാതെ, പെഞ്ച്, കൊരാടി, ഖപർഖേഡ പദ്ധതികളിൽ നിന്നുള്ള കരുതൽ ജലം ഇപ്പോൾ കർഷകർക്ക് ജലസേചന ആവശ്യങ്ങൾക്കായി ലഭ്യമാണെന്നും ഇത് മേഖലയിലെ കാർഷിക പ്രവർത്തനങ്ങൾക്ക് ആവശ്യമായ ഊർജ്ജം നൽകുമെന്നും അദ്ദേഹം അറിയിച്ചു.
മാലിന്യത്തിൽ നിന്ന് ബയോ-സിഎൻജി ഉൽപ്പാദിപ്പിക്കുന്നതിനുള്ള സാധ്യതകളും മന്ത്രി എടുത്തു പറഞ്ഞു, ഹരിത നഗര ഗതാഗത പരിഹാരങ്ങളുടെ ആവശ്യകത ഊന്നിപ്പറഞ്ഞുകൊണ്ട് പരിസ്ഥിതി സൗഹാർദ്ദപരമായ ഈ ഇന്ധനം വാഹനവ്യൂഹത്തിനായി സ്വീകരിക്കാൻ നാഗപ്പൂർ മുനിസിപ്പൽ കോർപ്പറേഷനെ പ്രോത്സാഹിപ്പിച്ചു.
ഹരിത ഇൻഫ്രാസ്ട്രക്ചറും പുനരുപയോഗ ഊർജവും പ്രോത്സാഹിപ്പിക്കുന്നതിനുള്ള വിശാലമായ ദേശീയ ശ്രമങ്ങളുമായി ഒത്തുചേർന്ന് മാലിന്യ സംസ്കരണത്തിനും സുസ്ഥിരതയ്ക്കും വേണ്ടിയുള്ള ശക്തമായ പ്രതിബദ്ധത ഈ സംരംഭം പ്രകടമാക്കുന്നു
