ഡാർജിലിംഗിലെ പദ്മജ നായിഡു ഹിമാലയൻ സുവോളജിക്കൽ പാർക്കിലെ റെഡ് പാണ്ട പ്രോഗ്രാം വേൾഡ് അസോസിയേഷൻ ഓഫ് സൂസ് ആൻഡ് അക്വേറിയംസ് (WAZA) കൺസർവേഷൻ അവാർഡ് 2024-ൻ്റെ ഫൈനലിസ്റ്റായി  തിരഞ്ഞെടുത്തു.

റെഡ് പാണ്ട സംരക്ഷണത്തിൽ മൃഗശാല വിവിധ സംരംഭങ്ങളിലൂടെ പ്രധാന പങ്കുവഹിച്ചിട്ടുണ്ടു.സർക്കാർ ഏജൻസികളുമായും മറ്റ് സ്ഥാപനങ്ങളുമായും സഹകരിച്ച്, വംശനാശഭീഷണി നേരിടുന്ന ഈ ജീവജാലങ്ങൾക്ക് അനുയോജ്യമായ അന്തരീക്ഷം സൃഷ്ടിക്കുന്നതിനായി അവർ ആവാസ വ്യവസ്ഥ പുനഃസ്ഥാപിക്കൽ പദ്ധതികൾ ഏറ്റെടുത്തു.  2022 നും 2024 നും ഇടയിൽ, ഒമ്പത്  ചുവന്ന പാണ്ടകളെ പശ്ചിമ ബംഗാളിലെ സിംഗലീല ദേശീയ ഉദ്യാനത്തിലേക്ക് വിജയകരമായി വിട്ടയച്ചു, ഇത് അവയുടെ വന്യ ജനസംഖ്യയെ ശക്തിപ്പെടുത്തുന്നതിനുള്ള നിർണായക ചുവടുവെപ്പാണ്.

സംരക്ഷണ പ്രവർത്തനങ്ങൾ കൂടുതൽ മെച്ചപ്പെടുത്തുന്നതിന്, മൃഗശാല ഒരു ബയോബാങ്കിംഗ്, ജനിറ്റിക്ക് റിസോഴ്‌സ് ഫെസിലിറ്റി എന്നിവ സ്ഥാപിച്ചിട്ടുണ്ട്.  ഈ സൗകര്യം ചുവന്ന പാണ്ടകളുടെയും മറ്റ് വംശനാശഭീഷണി നേരിടുന്ന ജീവജാലങ്ങളുടെയും ഗാമറ്റുകൾ, ടിഷ്യുകൾ, ഡിഎൻഎ എന്നിവ സംരക്ഷിക്കുന്നു, ഇത് ഭാവിയിലെ ഗവേഷണത്തിനും സംരക്ഷണ പ്രവർത്തനങ്ങൾക്കും വിലപ്പെട്ട വിവരങ്ങൾ നൽകുന്നു.

WAZA അവാർഡ് ഫൈനലിസ്റ്റുകളുടെ പ്രഖ്യാപനം റെഡ് പാണ്ട സംരക്ഷണത്തിനായുള്ള മൃഗശാലയുടെ സമർപ്പണത്തിന്  അംഗീകാരം നല്കുന്നു.  വിജയിയെ 2024 നവംബർ 7-ന് ഓസ്‌ട്രേലിയയിലെ ടാറോംഗോ മൃഗശാലയിൽ നടക്കുന്ന 79-ാമത് വാസാ വാർഷിക സമ്മേളനത്തിൽ പ്രഖ്യാപിക്കും.