മെയ്ക്ക് ഇൻ ഇന്ത്യ പദ്ധതിക്ക് കീഴിൽ ബിഇഎംഎല്ലുമായി സഹകരിച്ച് ചെന്നൈയിലെ ഇൻ്റഗ്രൽ കോച്ച് ഫാക്ടറി (ഐസിഎഫ്) മണിക്കൂറിൽ 280 കിലോമീറ്റർ വേഗതയിൽ സഞ്ചരിക്കുന്ന അതിവേഗ ട്രെയിൻ  നിർമ്മിക്കും എന്ന് റെയിൽവേ മന്ത്രി അശ്വിനി വൈഷ്ണവ് പാർലമെൻ്റിൽ അറിയിച്ചു.

വന്ദേ ഭാരത് ട്രെയിനുകളുടെ വിജയം എടുത്തുകാണിച്ച വൈഷ്ണവ്, ഇന്ത്യൻ റെയിൽവേ ഇപ്പോൾ അതിവേഗ ട്രെയിൻ സാങ്കേതികവിദ്യയുടെ വികസനവുമായി മുന്നോട്ട് പോവുകയാണെന്ന് പറഞ്ഞു. 

എയറോഡൈനാമിക്, എയർടൈറ്റ് കാർ ബോഡികൾ, ഹൈ സ്പീഡ് പ്രൊപ്പൽഷൻ സംവിധാനങ്ങൾ, നൂതന എച്ച് വി എ സി സംവിധാനങ്ങൾ എന്നിവയുടെ രൂപകല്പനയും നിർമ്മാണവും സംബന്ധിച്ച് പദ്ധതിയിൽ ഉൾപ്പെട്ടിരിക്കുന്ന സങ്കീർണതകളെ കുറിച്ചും മന്ത്രി വിശദീകരിച്ചു. 

വെയ്റ്റ് ഒപ്റ്റിമൈസേഷൻ, സിസിടിവി സംവിധാനങ്ങൾ, മൊബൈൽ ചാർജിംഗ് പോയിൻ്റുകൾ, അഗ്നി സുരക്ഷാ ഉപകരണങ്ങൾ, ഓട്ടോമാറ്റിക് ഡോറുകൾ, സീൽ ചെയ്ത ഗാംഗ്‌വേകൾ, യാത്രക്കാർക്ക് മികച്ച ഇൻ-ക്ലാസ് സൗകര്യവും സുരക്ഷയും ഉറപ്പാക്കുന്ന മറ്റ് പ്രധാന സാങ്കേതിക സവിശേഷതകൾ അതിവേഗ ട്രെയിനിന്റെ പ്രത്യേകതയാണ്

വിശദമായ രൂപരേഖയുടെ അന്തിമ രൂപീകരണത്തിന് ശേഷം പദ്ധതി പൂർത്തീകരണത്തിനുള്ള സമയക്രമം പിന്നീട് വ്യക്തമാകുമെന്നും വൈഷ്ണവ് കൂട്ടിച്ചേർത്തു.