ഞായറാഴ്ച യുണൈറ്റഡ് കിംഗ്ഡത്തിലുടനീളം കനത്ത മഞ്ഞുവീഴ്ചയെ തുടർന്ന് നിരവധി വിമാനത്താവളങ്ങൾ റൺവേകൾ അടച്ചു.  വടക്കൻ അയർലണ്ടിൻ്റെ ഭൂരിഭാഗവും സ്കോട്ട്‌ലൻഡിൻ്റെ ഭൂരിഭാഗവും മധ്യ, വടക്കൻ ഇംഗ്ലണ്ടിൻ്റെ വലിയ ഭാഗങ്ങളും ഉൾപ്പെടെയുള്ള പ്രദേശങ്ങളിൽ യുകെയുടെ മെറ്റ് ഓഫീസ് മഞ്ഞു വീഴ്ചയെ സംബന്ധിച്ച മുന്നറിയിപ്പുകൾ നൽകി.  മിക്കവാറും  വെയിൽസിന്റെ എല്ലാ ഭാഗങ്ങളും മഞ്ഞ് വീഴ്ച മുന്നറിയിപ്പിന് കീഴിലായിരുന്നു.

യാത്രക്കാരുടെ എണ്ണത്തിൽ യുകെയിലെ മൂന്നാമത്തെ വലിയ വിമാനത്താവളമായ മാഞ്ചസ്റ്റർ എയർപോർട്ട് കനത്ത മഞ്ഞുവീഴ്ചയെത്തുടർന്ന് ഞായറാഴ്ച രാവിലെ റൺവേകൾ താൽക്കാലികമായി അടച്ചു.  റൺവേകൾ വൃത്തിയാക്കാൻ എയർപോർട്ട് ജീവനക്കാർ കഠിനമായി പരിശ്രമിച്ചതായി എയർപോർട്ട് സോഷ്യൽ മീഡിയയിൽ അറിയിച്ചു.

ലിവർപൂളിലെ ജോൺ ലെനൺ എയർപോർട്ടും മഞ്ഞുവീഴ്ചയെ തുടർന്ന് താൽക്കാലികമായി റൺവേ അടച്ചു.  അതേസമയം, ന്യൂകാസിൽ അന്താരാഷ്ട്ര വിമാനത്താവളം “കനത്തതും തുടർച്ചയായതുമായ മഞ്ഞുവീഴ്ച” റിപ്പോർട്ട് ചെയ്തു, അത് ഫ്ലൈറ്റ് ഷെഡ്യൂളുകളെ തടസ്സപ്പെടുത്തി. 

ബർമിംഗ്ഹാമിൽ, മഞ്ഞ് നീക്കം ചെയ്യാൻ  അർദ്ധരാത്രിയോടെ വിമാനത്താവള പ്രവർത്തനങ്ങൾ മണിക്കൂറുകളോളം നിർത്തിവച്ചു.  മഞ്ഞു നിറഞ്ഞ നിറഞ്ഞ കാലാവസ്ഥയെ തുടർന്ന് ശനിയാഴ്ച അടച്ചിട്ട ബ്രിസ്റ്റോൾ വിമാനത്താവളം വൈകുന്നേരത്തോടെ വീണ്ടും തുറന്നു.  എന്നിരുന്നാലും, ഞായറാഴ്ച പുറപ്പെടുന്ന വിമാനങ്ങൾ തടസ്സങ്ങൾ പ്രതീക്ഷിക്കണമെന്ന് യാത്രക്കാർക്ക് മുന്നറിയിപ്പ് നൽകി.

പ്രതികൂല കാലാവസ്ഥ ഇംഗ്ലണ്ട്, സ്കോട്ട്ലൻഡ്, വെയിൽസ് എന്നിവിടങ്ങളിലെ ട്രെയിൻ ഗതാഗതത്തെയും ബാധിച്ചു  മഞ്ഞും വീഴ്ച വേഗനിയന്ത്രണത്തിനും ലൈൻ അടയ്ക്കുന്നതിനും ഇടയാക്കുമെന്ന് നാഷണൽ റെയിൽ മുന്നറിയിപ്പ് നൽകി.

ഇംഗ്ലണ്ടിലുടനീളം മഞ്ഞുവീഴ്ചയെക്കുറിച്ച്   മുന്നറിയിപ്പ് നൽകിയതോടെ റോഡ് യാത്രയെയും ഒരുപോലെ ബാധിച്ചു.  മഞ്ഞുവീഴ്ച നിലനിൽക്കുന്നതിനാൽ വാരാന്ത്യത്തിൽ ഡ്രൈവർമാർ ജാഗ്രത പാലിക്കണമെന്ന് അധികൃതർ അഭ്യർത്ഥിച്ചു.