സർവീസിനിടെ കെഎസ്ആർടിസി ബസുകൾ തകരാറിലാകുമ്പോൾ, നിലവിൽ വലിയ വർക്ക് ഷോപ്പ് വാനുകൾ ഡിപ്പോകളിൽ നിന്ന് എത്തുന്നതിൽ ഉണ്ടാകുന്ന വൈകിപ്പുകളും യാത്രക്കാർ നേരിടുന്ന ബുദ്ധിമുട്ടുകളും ഒഴിവാക്കുന്നതിനായി കെഎസ്ആർടിസി ‘റാപ്പിഡ് റിപ്പയർ ടീം’ എന്ന പുതിയ സംരംഭം ആരംഭിച്ചു.

ഇതിന് വേണ്ടിയായി നാലുചക്രങ്ങളുള്ള അലൂമിനിയം കവറിൽ നിർമ്മിച്ച മിനി ട്രക്കുകൾ ഉപയോഗിക്കും. ആദ്യഘട്ടത്തിൽ 10 യൂണിറ്റുകളായി റാപ്പിഡ് റിപ്പയർ ടീമുകൾ രൂപീകരിക്കും. ഓരോ ടീമിലും ആവശ്യമായ മെക്കാനിക്കുകളും ടയറുകൾ ഉൾപ്പെടെ സ്പെയർ പാർട്സുകളും ഒരുക്കിയിരിക്കും.
അന്തർസംസ്ഥാന സർവീസുകൾ ഉൾപ്പെടെ വിവിധ മേഖലകളിൽ ബസുകൾക്ക് തകരാർ സംഭവിച്ചാൽ, അതിവേഗത്തിൽ ഇവിടേക്ക് എത്തി പരിഹരിക്കുന്ന തരത്തിലാണ് ടീമുകളുടെ പ്രവർത്തനം. 24 മണിക്കൂറും സേവനം നൽകുന്നതാണ് ഈ യൂണിറ്റുകളുടെ പ്രത്യേകത.

പാറശാല, തിരുവനന്തപുരം സിറ്റി, കൊട്ടാരക്കര, പത്തനാപുരം, എറണാകുളം, മൂന്നാർ, പാലക്കാട്, താമരശ്ശേരി, ബത്തേരി, കാസർകോട് എന്നീ 10 ഡിപ്പോകൾക്കാണ് ആദ്യഘട്ടത്തിൽ ഈ റാപ്പിഡ് റിപ്പയർ മിനി ട്രക്കുകൾ അനുവദിച്ചിരിക്കുന്നത്.