കോട്ടയം:അയർക്കുന്നത്ത് അഭിഭാഷകയായ ജിസ്മോൾ തോമസും രണ്ട് കുട്ടികളും ആത്മഹത്യ ചെയ്ത സംഭവത്തിൽ, ജിസ്മോളിന്റെ ഭർത്താവ് ജിമ്മിയും ഭർതൃപിതാവ് ജോസഫും സമർപ്പിച്ച ജാമ്യാപേക്ഷ കോട്ടയം ജില്ലാ സെഷൻസ് കോടതി തള്ളി. നേരത്തെ, ഏറ്റുമാനൂർ മജിസ്ട്രേറ്റ് കോടതിയും ഇവരുടെ ജാമ്യാപേക്ഷ നിരസിച്ചിരുന്നു.

ജിസ്മോൾക്ക് ഭർതൃവീട്ടിൽ നിന്ന് നിരന്തരമായ മാനസികവും ശാരീരികവുമായ പീഡനം ഉണ്ടായിരുന്നുവെന്ന് കുടുംബം പോലീസിൽ നൽകിയ പരാതിയിൽ പറയുന്നു. സ്ത്രീധന തർക്കങ്ങളും അപമാനങ്ങളും ആത്മഹത്യക്ക് കാരണമായതായി അന്വേഷണത്തിൽ വ്യക്തമായിട്ടുണ്ട്. ഫോൺ പരിശോധനയിലുണ്ടായ തെളിവുകളും, ആത്മഹത്യ പ്രേരണയുമായി ബന്ധപ്പെട്ട കുറ്റങ്ങളും കോടതി പരിഗണിച്ചു.

സംഭവത്തിൽ കൂടുതൽ അന്വേഷണം പുരോഗമിക്കുകയാണ്. ജിസ്മോൾ കുടുംബം നൽകിയ പരാതിയിൽ അടിസ്ഥാനമിട്ടാണ് പൊലീസ് കേസെടുത്തത്. 
**മാനസിക സമ്മർദ്ദം അനുഭവിക്കുന്നവർ സഹായം തേടുക:** 
ഹെൽപ് ലൈൻ: 1056, 0471-2552056