ജൂൺ 18 ഇന്ത്യൻ സമയം പുലർച്ചെ 3:19ന്
സൂര്യനിൽ നിന്ന് ശക്തമായ എക്സ് 1.2-ക്ലാസ് സൗരജ്വാല (Solar Flare)പൊട്ടിത്തെറിച്ചുവന്ന് നാസയുടെ സോളാർ ഡൈനാമിക്സ് ഒബ്സർവേറ്ററി റിപ്പോർട്ട് ചെയ്തു. എക്സ്-ക്ലാസ് സൗര ജ്വാലകൾ സൂര്യൻ ഉത്പാദിപ്പിക്കുന്നതിൽ ഏറ്റവും ശക്തമായവയാണ്. ഇതു പോലെ ശക്തമായ സൗര ജ്വാലകൾ റേഡിയോ കമ്മ്യൂണിക്കേഷൻ, വൈദ്യുതി വിതരണ ശൃംഖല, നാവിഗേഷൻ സംവിധാനം എന്നിവയിൽ തടസ്സം സൃഷ്ടിക്കാനും, ബഹിരാകാശത്തുള്ള ഉപഗ്രഹങ്ങൾക്കും ബഹിരാകാശയാത്രികർക്കും അപകടം ഉണ്ടാക്കാനും സാധ്യതയുണ്ട്.

ഈ പ്രത്യേക സൗര ജ്വാലകളുമായി ബന്ധപ്പെട്ട് ഭൂമിയിൽ നേരിട്ട് ബാധയുണ്ടാക്കുന്ന വലിയ കൊറോണൽ മാസ് ഇജക്ഷൻ  ഉണ്ടായതായി ഇതുവരെ സ്ഥിരീകരിച്ചിട്ടില്ല. എന്നാൽ, റേഡിയോ സിഗ്നലുകൾ, നാവിഗേഷൻ സംവിധാനം എന്നിവയിൽ തടസ്സം അനുഭവപ്പെടുന്നുവെങ്കിൽ, ഇത് ഈ സോളാർ ഫ്ലെയറിന്റെ ഫലമായിരിക്കാം.

നാസ ഈ ജ്വാലയുടെ ചിത്രം പകർത്തിയിട്ടുണ്ട്, ഇത് അൾട്രാവയലറ്റ് ലൈറ്റിൽ ഒരു തിളക്കമുള്ള ഫ്ലാഷായി ദൃശ്യമായി. ഈ ജ്വാല സൂര്യന്റെ 11 വർഷത്തെ സൗരചക്രത്തിന്റെ (Solar Cycle 25) ഉച്ചസ്ഥായിയിലേക്ക് അടുക്കുന്നതിന്റെ ഭാഗമായാണ് കണക്കാക്കപ്പെടുന്നത്, ഇത് 2025 അവസാനത്തോടോ 2026 ആദ്യത്തോടോ പ്രതീക്ഷിക്കപ്പെടുന്നു.