വാഷിംഗ്ടൺ ഡി.സി: അമേരിക്കൻ  പ്രസിഡന്റ് ഡൊണാൾഡ് ട്രംപ്, ക്രൈസ്തവർക്കെതിരായ കൂട്ടക്കൊലപാതകങ്ങൾ ചൂണ്ടിക്കാട്ടി നൈജീരിയയെ വീണ്ടും “പ്രത്യേക ശ്രദ്ധ ആവശ്യമായ രാജ്യം” എന്ന നിലയിൽ വീണ്ടും പ്രഖ്യാപിച്ചു. തീവ്ര ഇസ്ലാമിക സംഘടനകളും ഫുലാനി മിലീഷ്യകളും നടത്തുന്ന ആക്രമണങ്ങൾ ക്രൈസ്തവ വിശ്വാസത്തിന് തന്നെ ഭീഷണിയാണെന്ന് അദ്ദേഹം പറഞ്ഞു.

ഇത്, 2020-ൽ ട്രംപ് ഭരണകാലത്ത് നൽകിയ നിലപാട് ബൈഡൻ ഭരണകാലത്ത് നീക്കം ചെയ്തതിനു ശേഷമുള്ള പുനർനിശ്ചയമായാണ് വരുന്നത്. പുതിയ പ്രഖ്യാപനത്തിന്റെ ഭാഗമായി അമേരിക്കൻ കോൺഗ്രസിനെ, നൈജീരിയയിലെ സംഭവവികാസങ്ങളെ കുറിച്ച് ത്വരിതമായ അന്വേഷണം നടത്താൻ ട്രംപ് നിർദേശിച്ചു.

നൈജീരിയയിൽ നടക്കുന്ന ക്രൈസ്തവർക്കെതിരായ ആക്രമണങ്ങൾ “വിശ്വാസത്തിന് നിലനിൽപ്പിനുള്ള ഭീഷണി” ആണെന്നും, തീവ്രവാദികൾ ഗ്രാമപ്രദേശങ്ങളിലെ ജനവിഭാഗങ്ങളെ നിരന്തരം ആക്രമിക്കുകയാണെന്നും ട്രംപ് ആരോപിച്ചു . ഈ നീക്കത്തെ വിശ്വാസ സംഘടനകളും മനുഷ്യാവകാശ പ്രവർത്തകരും സ്വാഗതം ചെയ്തിട്ടുണ്ട്. അവരുടെ അഭിപ്രായത്തിൽ, അമേരിക്കയുടെ ഈ പുതുക്കിയ നിലപാട് അന്താരാഷ്ട്ര തലത്തിൽ കൂടുതൽ സമ്മർദ്ദം സൃഷ്ടിക്കാനും ഇടയാക്കും.
അതേസമയം, നൈജീരിയൻ അധികാരികൾ ഈ പ്രഖ്യാപനം തള്ളി, അതിനെ “തെറ്റിദ്ധരിപ്പിക്കപ്പെട്ടതും രാഷ്ട്രീയ പ്രേരിതവുമാണ്” എന്നു വിശേഷിപ്പിച്ചു. രാജ്യത്തെ സംഘർഷങ്ങൾ പ്രധാനമായും വംശീയവും പ്രാദേശികവുമായ പ്രശ്നങ്ങളാണെന്നും മറിച്ച്, മതപീഡനമല്ലെന്ന് അവർ വ്യക്തമാക്കി.

ട്രംപിന്റെ ഈ നീക്കം വാഷിംഗ്ടൺ-അബൂജ ബന്ധങ്ങളിൽ പുതിയ സംഘർഷങ്ങൾക്കും, ഭാവിയിലെ അമേരിക്ക-നൈജീരിയ നയതന്ത്ര ബന്ധങ്ങളിലും നയങ്ങളിലും സ്വാധീനം ചെലുത്താൻ സാധ്യതയുണ്ടെന്ന് വിശകലന വിദഗ്ധർ വിലയിരുത്തുന്നു.