പ്രായപൂർത്തിയാകാത്ത പെൺകുട്ടിയെ 2013-ൽ ബലാത്സംഗം ചെയ്തതിന് ആശാറാം ബാപ്പുവിന് ജീവപര്യന്തം തടവ് വിധിച്ചു. ആൾദൈവത്തിന്റെ മുൻ ശിഷ്യ കേസ് നൽകിയതിന് ഒമ്പത് വർഷത്തിന് ശേഷം ഗാന്ധിനഗറിലെ കോടതി തിങ്കളാഴ്ച ആശാറാം ബാപ്പു കുറ്റക്കാരനാണെന്ന് വിധിച്ചു.

ആശാറാം ബാപ്പുവിനും മറ്റ് ആറ് പേർക്കുമെതിരെ 2013 ഒക്ടോബർ 6 ന് അഹമ്മദാബാദിലെ ചന്ദ്‌ഖേഡ പോലീസ് സ്റ്റേഷനിൽ രജിസ്റ്റർ ചെയ്ത എഫ്‌ഐആർ പ്രകാരം, 2001 മുതൽ സൂറത്തിൽ നിന്നുള്ള ശിഷ്യയായ സ്ത്രീയെ സ്വയം പ്രഖ്യാപിത ആൾദൈവം ബലാത്സംഗം ചെയ്തു. 2006-ൽ അഹമ്മദാബാദിനടുത്തുള്ള മൊട്ടേരയിലെ ആശ്രമത്തിൽ താമസിക്കുമ്പോൾ അവൾ രക്ഷപ്പെടുകയായിരുന്നു.

എന്നാൽ, തെളിവുകളുടെ അഭാവത്തിൽ ആശാറാമിന്റെ ഭാര്യ ലക്ഷ്മിബെൻ, അവരുടെ മകൾ, കുറ്റകൃത്യത്തിന് സഹായിച്ചുവെന്നാരോപിച്ച നാല് ശിഷ്യൻമാർ എന്നിവരുൾപ്പെടെ മറ്റ് ആറ് പ്രതികളെ സെഷൻസ് കോടതി വെറുതെവിട്ടു.