ലോകമെമ്പാടുമുള്ള ഭക്ഷണപ്രേമികൾ ഇന്ന് ലോക മത്തി ദിനം ആഘോഷിക്കുന്നു. ഓരോ വർഷവും നവംബർ 24-ന് ആചരിക്കുന്ന ഈ ദിനം, മത്തിയുടെ വൈവിധ്യവും രുചിയും ആരോഗ്യഗുണങ്ങളും മുന്നോട്ട് വെക്കുകയാണ് ലക്ഷ്യം.

മത്തി പുരാതന ഗ്രീസിലും റോമിലും വ്യാപകമായി ഉപയോഗിക്കപ്പെട്ടിരുന്നു. 15-ാം നൂറ്റാണ്ടിലാണ് ഇംഗ്ലീഷിൽ ‘സാർഡൈൻ’ എന്ന പദം ആദ്യമായി ഉപയോഗിച്ചത്. ഒരിക്കൽ ധാരാളമായി സാർഡിൻ കണ്ടിരുന്ന സാർഡീനിയ എന്ന മധ്യധരണ്യ ദ്വീപിന്റെ പേരിൽ നിന്നാകാം ഈ നാമം ഉണ്ടായതെന്ന് കരുതുന്നു.

ലോകത്തിന്റെ പല മേഖലയിലും മത്തിക്ക് പ്രത്യേക സാംസ്കാരിക നിലപാടുണ്ട്. പോർച്ചുഗലിൽ മത്തി ദേശീയ അഭിമാനത്തിന്റെ ഭാഗമാണ്. വേനൽക്കാലത്ത് ജൂൺ 13-ന് നടക്കുന്ന സെന്റ് ആന്റണി ഫെസ്റ്റിവലിൽ ഗ്രിൽ ചെയ്ത മത്തി പ്രത്യേകം ശ്രദ്ധനേടുന്നു. ഇന്ത്യയിലും, പ്രത്യേകിച്ച് കേരളം, ഗോവ തുടങ്ങി തീരപ്രദേശങ്ങളിൽ, മത്തി വിലകുറഞ്ഞതും പോഷകസമൃദ്ധവുമായ മത്സ്യമാണ്.

മത്തി ഒരു സൂപ്പർഫുഡ് ആണെന്ന് ആരോഗ്യ വിദഗ്ധർ ചൂണ്ടിക്കാണിക്കുന്നു. ഓമേഗ-3 ഫാറ്റി ആസിഡ്, വിറ്റാമിൻ B12, കാല്ഷ്യം, വിറ്റാമിൻ D എന്നിവ മത്തിയിൽ ധാരാളമായി അടങ്ങിയിട്ടുണ്ട്. ഇവ മസ്തിഷ്‌കവും ഹൃദയവും സംരക്ഷിക്കുന്നതിലും എല്ലുകളുടെ ശക്തിയും നാഡീപ്രവർത്തനവും മെച്ചപ്പെടുത്തുന്നതിലും പ്രധാന പങ്ക് വഹിക്കുന്നു. ലോക മത്തി ദിനാചരണം, ഈ സമുദ്രസമ്പത്ത് കൂടുതൽ പേരുടെ ഭക്ഷണപ്പട്ടികയിൽ പങ്കുചേരാൻ പ്രേരിപ്പിക്കുമെന്നാണ് പ്രതീക്ഷ.
പാരമ്പര്യവും രുചിയും ആരോഗ്യഗുണങ്ങളും ഒരുമിച്ചുള്ള മത്തി, ലോകസമൂഹത്തിന്റെ ഭക്ഷണസംസ്കാരത്തിൽ തുടർച്ചയായി സ്ഥാനം ഉറപ്പിക്കട്ടെയെന്ന് പ്രതീക്ഷിക്കാം