ശനിയാഴ്ച മെക്സിക്കോയിലെ നയരിറ്റിൽ ടൂറിസ്റ്റ് ബസ് ഒരു മലയിടുക്കിലേക്ക് മറിഞ്ഞതിനെത്തുടർന്ന് കുറഞ്ഞത് 18 മെക്സിക്കൻ വിനോദസഞ്ചാരികൾ മരിക്കുകയും രണ്ട് ഡസനോളം പേർക്ക് പരിക്കേൽക്കുകയും ചെയ്തതായി ദി സ്ട്രെയിറ്റ്സ് ടൈംസ് റിപ്പോർട്ട് ചെയ്യുന്നു.

സിവിൽ പ്രൊട്ടക്ഷൻ ഉദ്യോഗസ്ഥനായ പെഡ്രോ ന്യൂനെസ് പറയുന്നതനുസരിച്ച്, ഒരു സ്വകാര്യ കമ്പനിയുടെ ബസ് വിനോദസഞ്ചാരികളുമായി അയൽ സംസ്ഥാനമായ ജാലിസ്കോയിലെ ഗ്വാഡലജാരയിൽ നിന്ന് 220 കിലോമീറ്റർ ദൂരമുള്ള
നയറിറ്റിലെ ഗുയാബിറ്റോസിലെ ബീച്ചിലേക്ക് യാത്ര ചെയ്യുന്നതിനിടെ റോഡിൽ നിന്ന് തെന്നിമാറി.

ശനിയാഴ്ച വൈകിട്ടുണ്ടായ അപകടത്തിന്റെ കാരണം അറിവായിട്ടില്ലെന്ന് ദി സ്ട്രെയിറ്റ്സ് ടൈംസ് റിപ്പോർട്ട് ചെയ്യുന്നു.

യാത്രക്കാരെല്ലാം മെക്സിക്കൻ പൗരന്മാരായിരുന്നു.