തിങ്കളാഴ്ച പുലർച്ചെയുണ്ടായ വാഹനാപകടത്തിൽ മലയാള നടൻ കൊല്ലം സുധി (39) മരിച്ചതായി റിപ്പോർട്ട്. അദ്ദേഹത്തോടൊപ്പം യാത്ര ചെയ്ത ടെലിവിഷൻ താരങ്ങളായ ബിനു അടിമാലി, ഉല്ലാസ് അരൂർ, മഹേഷ് എന്നിവർക്ക് പരുക്കേറ്റു
തിങ്കളാഴ്ച പുലർച്ചെ 4.30 ഓടെ കൈപ്പമംഗലത്താണ് അപകടമുണ്ടായത്.
എല്ലാവരും വടകരയിൽ ഒരു പരിപാടിയിൽ പങ്കെടുത്ത് മടങ്ങുന്നതിനിടെയാണ് അപകടമുണ്ടായത്. അപകടത്തിൽ സുധിയുടെ തലയ്ക്ക് ഗുരുതരമായി പരിക്കേറ്റിരുന്നു. കൊടുങ്ങല്ലൂരിലെ ആശുപത്രിയിലെത്തിച്ചെങ്കിലും മരണത്തിന് കീഴടങ്ങി. മറ്റ് മൂന്ന് പേർ കൊടുങ്ങല്ലൂരിലെ സ്വകാര്യ ആശുപത്രിയിൽ ചികിത്സയിലാണ്.
സുധിയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി.
2015ൽ സംവിധായകൻ അജ്മൽ സംവിധാനം ചെയ്ത കാന്താരിയിലൂടെയാണ് കൊല്ലം സുധി സിനിമാ ജീവിതം ആരംഭിച്ചത്. അദ്ദേഹം ഒരു ജനപ്രിയ മിമിക്രി കലാകാരനായിരുന്നു. കട്ടപ്പനയിലെ ഋത്വിക് റോഷൻ, കുട്ടനാടൻ മാർപ്പാപ്പ തുടങ്ങി നിരവധി സിനിമകളിൽ അദ്ദേഹം അഭിനയിച്ചിട്ടുണ്ട്.
ടിവി ഷോകളിലും സ്റ്റേജ് ഷോകളിലും പ്രശസ്തനായി.വളരെ ജനപ്രീതി നേടിയ കലാകാരനായിരുന്നു അദ്ദേഹം
അദ്ദേഹത്തിന്റെ വിയോഗവാർത്ത പുറത്തുവന്നയുടൻ മലയാളത്തിലെ പ്രമുഖർ സോഷ്യൽ മീഡിയയിൽ അനുശോചനം രേഖപ്പെടുത്തി.
