പെൻസിൽവാനിയ സ്റ്റേറ്റ് യൂണിവേഴ്സിറ്റി നടത്തിയ ഏറ്റവും പുതിയ പഠനത്തിൽ കിഴക്കൻ ആഫ്രിക്കയിലെ മസായി ജിറാഫുകൾ നേരിടുന്ന വംശനാശഭീഷണിക്കുറിച്ചുള്ള ആശങ്കാജനുമായ കണ്ടെത്തലുകൾ ഉണ്ടായി.  ഗ്രേറ്റ് റിഫ്റ്റ് വാലിയാൽ വേർതിരിക്കപ്പെട്ട ഈ ജിറാഫുകളുടെ ജനസംഖ്യ ആയിരം വർഷത്തിലേറെയും ചില സന്ദർഭങ്ങളിൽ ലക്ഷക്കണക്കിന് വർഷവും പരസ്പരം കൂടിച്ചേർന്നിട്ടില്ലെന്ന് എടുത്തുകാണിക്കുന്നു. 

കഴിഞ്ഞ മൂന്ന് പതിറ്റാണ്ടുകളായി, ജിറാഫുകളുടെ എണ്ണം ലോകമെമ്പാടും അതിവേഗം കുറഞ്ഞു, അവ 100,000 ൽ താഴെ മാത്രം ഇന്ന്  അവശേഷിക്കുന്നു.  ടാൻസാനിയയിലും തെക്കൻ കെനിയയിലും കാണപ്പെടുന്ന മസായ് ജിറാഫിന്റെ എണ്ണത്തിൽ ഈ കാലയളവിൽ 50 ശതമാനം കുറവുണ്ടായി, ഏകദേശം 35,000  മാത്രമേ അവശേഷിക്കുന്നുള്ളൂ.  നിയമവിരുദ്ധമായ വേട്ടയാടലും മനുഷ്യരുടെ അധിനിവേശം മൂലം അവയുടെ സ്വാഭാവിക ആവാസവ്യവസ്ഥയുടെ നഷ്ടവുമാണ്  പ്രധാന കാരണങ്ങൾ.

മസായി ജിറാഫുകളുടെ ആവാസവ്യവസ്ഥയുടെ ശിഥിലീകരണം ഒരു പ്രധാന ആശങ്കയാണ്.  കിഴക്കൻ ആഫ്രിക്കയിലെ മനുഷ്യ ജനസംഖ്യയുടെ വികാസം വന്യജീവികളുടെ ആവാസവ്യവസ്ഥയുടെ നഷ്ടത്തിലേക്ക് നയിച്ചു, ഇത് ഈ ജിറാഫുകൾ നേരിടുന്ന വെല്ലുവിളികളെ കൂടുതൽ വഷളാക്കുന്നു.  കിഴക്കൻ ആഫ്രിക്കയിലൂടെ കടന്നുപോകുന്ന ഗ്രേറ്റ് റിഫ്റ്റ് വാലിയുടെ കുത്തനെയുള്ള മലഞ്ചെരിവുകൾ കാരണം വന്യജീവികളുടെ കുടിയേറ്റത്തിന് ശക്തമായ തടസ്സം സൃഷ്ടിക്കുന്നു.  ഈ ഭൂമിശാസ്ത്രപരമായ സവിശേഷത ജിറാഫുകൾക്കിടയിൽ ജനിതക വസ്തുക്കളുടെ കൈമാറ്റം നിയന്ത്രിക്കുന്നു.

വ്യത്യസ്‌ത ജനിതക പാരമ്പര്യമുള്ള ജീവികളുടെ സംയോജനം ജനിതക വിവരങ്ങളുടെ കൈമാറ്റത്തിന് കാരണമാകുന്നു-പലപ്പോഴും ജീൻ ഫ്ലോ എന്ന് വിളിക്കപ്പെടുന്നു – ഇത് പൊതുവെ ഗുണകരമാണെന്ന് കണക്കാക്കപ്പെടുന്നു, കാരണം ഇത് മൊത്തത്തിലുള്ള ജനിതക വൈവിധ്യത്തെ മെച്ചപ്പെടുത്തുകയും ചെറിയ ജനസംഖ്യയെ രോഗത്തിനും മറ്റ് ഭീഷണികൾക്കും എതിരെ പ്രതിരോധിക്കാൻ സഹായിക്കുകയും ചെയ്യും.

മലയിടുക്കുകളാൽ വേർതിരിക്കപ്പെട്ട ജിറാഫുകൾ തമ്മിലുള്ള ജീൻ പ്രവാഹത്തിന്റെ വ്യാപ്തി മനസ്സിലാക്കാൻ, ഗവേഷണ സംഘം 100 മസായി ജിറാഫുകളുടെ ജനിതക പഠനം നടത്തി.കഴിഞ്ഞ 250,000–300,000 വർഷങ്ങളിൽ പെൺ ജിറാഫുകൾ പ്രജനനത്തിനായി വിള്ളലിലൂടെ കുടിയേറിയിട്ടില്ലെന്ന് ഫലങ്ങൾ സൂചിപ്പിക്കുന്നു.  കൂടാതെ, മലകളുടെ ഓരോ വശത്തുമുള്ള ജിറാഫുകൾ ജനിതകപരമായി വ്യത്യസ്തമാണെന്നും കണ്ടെത്തി

  മലകളുടെ ഇരുവശത്തുമുള്ള ജിറാഫുകൾ തമ്മിൽ ഇൻബ്രീഡിംഗിന്റെ വ്യാപകമായ സൂചനകളും പഠനം കണ്ടെത്തി. ഇത് ജനിതക വൈവിധ്യവും കുറയ്ക്കുന്നതും
   വംശത്തിൻ്റെ ദീർഘകാല നിലനില്പ്പിനെക്കുറിച്ചും ആശങ്ക ഉയർത്തുന്നതുമാണ്

വെല്ലുവിളി നിറഞ്ഞ ഭൂപ്രദേശവും പുനരധിവാസത്തിൻ്റെ അപ്രായോഗികതയും കണക്കിലെടുത്ത്, മസായി ജിറാഫുകൾക്കും അവയുടെ ആവാസ വ്യവസ്ഥകൾക്കുമുള്ള സംരക്ഷണ നടപടികൾക്ക് മുൻഗണന നൽകുന്നത് നിർണായകമാണ്.  പ്രത്യേകിച്ചും ഈ പ്രദേശത്ത് അടുത്തിടെ വർദ്ധിച്ചുവരുന്ന ജിറാഫുകളെ വേട്ടയാടുന്നത് കണക്കിലെടുത്ത്
സംരക്ഷണ ശ്രമങ്ങൾ വർദ്ധിപ്പിക്കാൻ ടാൻസാനിയൻ, കെനിയൻ ഗവൺമെന്റുകളോട് ഗവേഷകർ ആവശ്യപ്പെട്ടു