യുഎസ് നാഷണൽ ഇഗ്നിഷൻ ഫെസിലിറ്റി (എൻഐഎഫ്) 2022-ലെ വിജയകരമായ പരീക്ഷണത്തിന് ശേഷം രണ്ടാം തവണയും ഫ്യൂഷൻ ഇഗ്നിഷൻ കൈവരിച്ചു. ശക്തമായ ലേസറുകൾ ഉപയോഗിച്ച്, ഫ്യൂഷൻ റിയാക്ഷൻ നിലനിർത്താൻ ആവശ്യമായ ഊർജ്ജം ഹൈഡ്രജൻ നിറച്ച ഡയമണ്ട് ക്യാപ്‌സ്യൂളിൽ നിന്ന് വേർതിരിച്ചെടുക്കാൻ അവർക്ക് കഴിഞ്ഞു.

മാനവരാശിക്ക്  പ്രായോഗികവും സമ്പുഷ്ഠവുമായ ഊർജ്ജ സ്രോതസ്സ് സൃഷ്ടിക്കുന്നതിൽ നിന്ന് ഇനിയും വളരെ അകലെയാണെങ്കിലും, ഈ നേട്ടം ഫ്യൂഷൻ സാങ്കേതികവിദ്യ മെച്ചപ്പെടുത്തുന്നതിനുള്ള മൂല്യവത്തായ ഉൾക്കാഴ്ചകൾ നൽകുന്നു.

സാൻഫ്രാൻസിസ്കോയ്ക്ക് സമീപമുള്ള ലോറൻസ് ലിവർമോർ നാഷണൽ ലബോറട്ടറിയിൽ സ്ഥിതി ചെയ്യുന്ന എൻഐഎഫ്, ഹൈഡ്രജൻ ആറ്റങ്ങളെ പുതിയ കോൺഫിഗറേഷനുകളിലേക്ക് പരിവർത്തനം ചെയ്യുകയും തുടർന്ന് ഊർജ്ജം ഉണ്ടാക്കുകയും ചെയ്യുന്നതിനായി 192 ശക്തമായ ലേസർ ഉപയോഗിച്ചു

കാന്തിക അന്തരീക്ഷത്തിൽ നിലനിർത്തിയിരിക്കുന്ന ചലനത്മകമായ പ്ലാസ്മയിൽ സംയോജനം സംഭവിക്കുന്നതിനും അധിക ഊർജ്ജം ഉത്പാദിപ്പിക്കുന്നതിനും കറങ്ങുന്ന കണങ്ങൾ സൂര്യന്റെ കാമ്പിനെക്കാൾ ചൂടായിരിക്കണം. എൻഐഎഫ്-ൽ, ഹൈഡ്രജൻ ഐസോടോപ്പുകൾ നിറഞ്ഞ ഒരു ചെറിയ അറയിൽ, സമാനമായ അവസ്ഥകൾ സൃഷ്ടിക്കാൻ തീവ്രമായ ലേസർ രശ്മികളിലേക്ക് തുറന്നുകാട്ടപ്പെടുന്നു, ഇത് ന്യൂക്ലിയർ കണങ്ങളെ ഹീലിയമായി പുനഃക്രമീകരിക്കാനും അധിക ഊർജ്ജം ഉത്പാദിപ്പിക്കാനും അനുവദിക്കുന്നു.

ഇഗ്നിഷൻ എന്നറിയപ്പെടുന്ന ആദ്യത്തെ സുപ്രധാന നേട്ടം, പുറത്തുവിടുന്ന ഊർജ്ജം സംയോജന പ്രക്രിയയെ നിലനിർത്തുമ്പോഴാണ് സംഭവിക്കുന്നത്.  ജൂലൈ 30 ന് നടത്തിയ തുടർ പരീക്ഷണങ്ങളിൽ, എൻഐഎഫ് ഒരിക്കൽ കൂടി ജ്വലനം നേടി.

പ്രാഥമിക ഫലങ്ങൾ സൂചിപ്പിക്കുന്നത് 3.5 മെഗാജൂളുകളുടെ മൊത്തം ഔട്ട്പുട്ട്, ഡിസംബറിലെ ഇഗ്നിഷനിൽ നിന്നുള്ള 3.15 മെഗാജൂളുകളേക്കാൾ അല്പം കൂടുതലാണ്.  ഈ ഊർജ്ജ ‘ലാഭം’ കുറച്ച് ലിറ്റർ വെള്ളം തിളപ്പിക്കാൻ മതിയാകുമെങ്കിലും, എൻഐഎഫ് – ന്റെ സാങ്കേതികവിദ്യ ഉപയോഗിച്ച് പൂർണ്ണമായും പ്രവർത്തനക്ഷമമായ ഒരു ഫ്യൂഷൻ പ്ലാന്റിന് 100 മടങ്ങ് കൂടുതൽ ശക്തിയുള്ള ലേസറുകൾ ആവശ്യമാണ്.

ഈ സാങ്കേതികവിദ്യ ഉപയോഗിച്ച്  നഗരങ്ങളെയും വീടുകളെയും വൈദ്യുതി വൽക്കരിക്കണമെങ്കിൽ നിരവധി ഇഗ്നിഷൻ ആവശ്യമാണ് ,  പ്രക്രിയ കൂടുതൽ കാര്യക്ഷമവും കൈകാര്യം ചെയ്യാവുന്നതുമാക്കുന്നതിനുള്ള വഴികൾ കണ്ടെത്തേണ്ടിയിരിക്കുന്നു.

എളുപ്പത്തിൽ ലഭിക്കുന്ന ഹൈഡ്രജൻ ഐസോടോപ്പുകളെ അടിസ്ഥാനമാക്കിയുള്ള ഫ്യൂഷൻ പവർ നേടാൻ കഴിയുമെങ്കിൽ, അണു വിഘടനത്തിലൂടെയുണ്ടാക്കുന്ന റേഡിയോ ആക്ടീവ് മാലിന്യ പ്രശ്‌നങ്ങളോ കാർബൺ ജ്വലനവുമായി ബന്ധപ്പെട്ട് പുറന്തള്ളുന്ന മാലിന്യങ്ങളുമില്ലാതെ അത്  പരിധിയില്ലാത്ത ഊർജ്ജം പ്രദാനം ചെയ്യും.

ഇനിയും ഒരുപാട് ജോലികൾ മുന്നിലുണ്ടെങ്കിലും, ഈ യാഥാർത്ഥ്യത്തിലേക്ക് അടുക്കുന്ന ഓരോ ചുവടും ആഘോഷിക്കേണ്ടതാണ്.