മിയാമി: മേജർ ലീഗ് സോക്കറിലേക്കുള്ള ലയണൽ മെസ്സിയുടെ വരവ് കളിക്കളത്തിൽ മാത്രമല്ല ആവേശം സൃഷ്ടിച്ചത്, റിയൽ എസ്റ്റേറ്റിലും അതിൻ്റെ വലിയ സ്വധീനങ്ങൾ ഉണ്ടായി.ഇതിൻ്റെ ഫലമായി മെസ്സിയുടെ അയൽക്കാരൻ ബെറ്റ്-ഡേവിഡിന്റെ മിയാമി പ്രോപ്പർട്ടി മൂല്യം 20 മില്യൺ ഡോളർ കുതിച്ചുയർന്നു.
ഇന്റർ മിയാമിയിലേക്കുള്ള മെസ്സിയുടെ നീക്കം അദ്ദേഹത്തെ സൺഷൈൻ സ്റ്റേറ്റിലെത്തിച്ചു.തുടക്കത്തിൽ ഗോൾഡൻ ബീച്ചിനടുത്തുള്ള 7 മില്യൺ പൗണ്ടിന്റെ ആഡംബരപൂർണമായ അപ്പാർട്ട്മെന്റിൽ താമസിച്ചു.എന്നിരുന്നാലും, അദ്ദേഹം അടുത്തിടെ ഫോർട്ട് ലോഡർഡെയ്‌ലിലെ 8.4 മില്യൺ പൗണ്ടിന്റെ വിശാലമായ എസ്റ്റേറ്റ് വാങ്ങിച്ചു.
“ഇതുവരെ, എന്റെ ഉടമസ്ഥതയിലുള്ള വീട്ടിൽ നിന്ന് ഞാൻ $25 മില്യൺ (£20 മില്യൺ) സമ്പാദിച്ചു” ബെറ്റ്-ഡേവിഡ് വ്ലാഡ് ടിവിയിൽ സന്തോഷത്തോടെ പ്രഖ്യാപിച്ചു. മെസ്സിയുടെ താരശക്തിയാണ് വില കുതിച്ചുയരാൻ കാരണമെന്ന് അദ്ദേഹം പറയുന്നു.
മെസ്സിയുടെ വരവിനു ശേഷം ഇന്റർ മിയാമി ടിക്കറ്റ് വിൽപ്പനയിൽ നാലിരട്ടി വർദ്ധനവ് രേഖപ്പെടുത്തി. അദ്ദേഹത്തിന്റെ സ്വാധീനം നിഷേധിക്കാനാവാത്തതാണ്, ആരാധകരെ ആകർഷിക്കുകയും ക്ലബ്ബിന്റെ പ്രൊഫൈൽ ഉയർത്തുകയും ചെയ്തു.
മെസ്സിയുടെ ആദ്യ എംഎൽഎസ് സീസൺ ഒക്ടോബറിൽ അവസാനിച്ചെങ്കിലും മാനേജർ ജെറാർഡോ മാർട്ടിനോയുടെ കീഴിൽ പ്രീ-സീസണിനായി അദ്ദേഹം തയ്യാറെടുക്കുകയാണ്.ദീർഘകാല എതിരാളിയായ ക്രിസ്റ്റ്യാനോ റൊണാൾഡോയ്‌ക്കെതിരായ സൗഹൃദ മത്സരത്തിൽ കലാശിച്ചേക്കാവുന്ന, നോൺ-യൂറോപ്യൻ പ്രീ-സീസൺ പരിശീലനത്തിനായി ആരാധകർ ആകാംക്ഷയോടെ കാത്തിരിക്കുന്നു.
