വ്യാഴത്തെക്കുറിച്ച് പഠിക്കാനുള്ള ദൗത്യത്തിൽ, നാസയുടെ ജൂണോ പേടകം 2022-ൽ യൂറോപ്പയുടെ അടുത്തുപറന്നതിന്റെ ഫലമായി വളരെ പ്രാധാന്യമുള്ള ഡാറ്റ ലഭിച്ചു. ഈ ഡാറ്റ ഉപഗ്രഹത്തിൻ്റെ ഉപരിതലത്തിൽ ഇന്നും സജീവ പ്രവർത്തനങ്ങൾ ഉണ്ടാകാമെന്ന് സൂചന നൽകുന്നു.

ഭൂഗർഭ ജലസംഭരണികൾ ഉള്ളതിനാൽ യൂറോപ്പയെ  ജീവജാലങ്ങളെ തേടുന്നതിന് നമ്മുടെ സൗരയൂഥത്തിലെ ഏറ്റവും പ്രതീക്ഷ നൽകുന്ന സ്ഥലങ്ങളിലൊന്നായി കണക്കാക്കപ്പെടുന്നു. ജൂണോ പേടകത്തിന്റെ നാവിഗേഷന് ഉപയോഗിക്കുന്ന  ക്യാമറയായ സ്റ്റെല്ലാർ റഫറൻസ് യൂണിറ്റ് (SRU), ജൂപിറ്ററിൽ നിന്ന് പ്രതിഫലിക്കുന്ന സൂര്യപ്രകാശത്തിൻ്റെ കീഴിൽ  യൂറോപ്പയുടെ ഉപരിതലം ഉയർന്ന റെസല്യൂഷനിൽ ചിത്രീകരിച്ചു.

സ്റ്റെല്ലാർ റഫറൻസ് യൂണിറ്റ് നല്കിയ ചിത്രം മഞ്ഞുപാളി ഉള്ള ഉപരിതലത്തിൽ  ഒരു വിചിത്രമായ ആകൃതി വെളിപ്പെടുത്തുന്നു.  ഇത് “പ്ലാറ്റിപസ് പ്രദേശം” എന്നറിയപെടുന്നു

1995 മുതൽ 2003 വരെ ജൂപിറ്ററിനെ പഠിച്ച നാസയുടെ മുൻ ഗലീലിയോ പേടകത്തിന്റെ സമാന റെസല്യൂഷൻ ചിത്രങ്ങളുമായി താരതമ്യം ചെയ്യുമ്പോൾ, “പ്ലാറ്റിപസ്” പ്രദേശത്തിന്റെ തെക്ക് ഭാഗത്ത് മാറ്റങ്ങൾ സംഭവിച്ചതായി സൂചന നൽകുന്നു. ഇത് ഗലീലിയോ ചിത്രങ്ങൾ എടുത്തതിന് ശേഷം ഉപരിതല മാറ്റങ്ങൾ സംഭവിച്ചിരിക്കാമെന്ന് സൂചന നൽകുന്നു.

 “പ്ലാറ്റിപസ് പ്രദേശം” നാസയുടെ യൂറോപ്പ ക്ലിപ്പർ പോലുള്ള ഭാവി ദൗത്യങ്ങൾക്കും യൂറോപ്യൻ സ്പേസ് ഏജൻസിയുടെ ജ്യൂസ്-നും (ജൂപിറ്റർ ഐസി മൂൺസ് എക്സ്പ്ലോറർ) യൂറോപ്പയിലെ ഇന്നത്തെ ഉപരിതല പ്രവർത്തനങ്ങൾ അന്വേഷിക്കാനും സ്ഥിരീകരിക്കാനും പ്രേരിപ്പിക്കുന്നു.

ജ്യൂസ് 2023 ഏപ്രിലിൽ വിക്ഷേപിക്കുകയും 2031 ഡിസംബറിൽ ജൂപിറ്ററിൽ എത്തുമെന്നും പ്രതീക്ഷിക്കുന്നു . യൂറോപ്പ ക്ലിപ്പർ 2024 ഒക്ടോബർ 6 ന് ഒരു ഫാൽക്കൺ ഹെവി റോക്കറ്റിൽ വിക്ഷേപിക്കാനും തയ്യാറെടുക്കുന്നു.

ജൂണോയുടെ യൂറോപ്പ ഫ്ലൈബൈയിൽ നിന്നുള്ള കണ്ടെത്തലുകൾ  യുറോപ്പയിൽ ജീവന് അനുയോജ്യമായ സാഹചര്യങ്ങൾ ഉണ്ടായേക്കാം എന്ന് സൂചന നൽകുന്നു. യൂറോപ്പ ക്ലിപ്പർ, ജ്യൂസ് പോലുള്ള ഭാവി ദൗത്യങ്ങൾ യൂറോപ്പയുടെ നിഗൂഢതകൾ തുറന്നുകാട്ടാനും ഭൗമ ഇതര ജീവൻ നിലനിൽക്കാനുള്ള സാധ്യത തെളിയിക്കാനും നിർണായക പങ്ക് വഹിക്കും.