വാഹന നിർമ്മാണ രംഗത്ത് ടൊയോട്ട മോട്ടോർ കോർപ്പറേഷൻ അചഞ്ചലമായ രാജാവായി തുടരുന്നു. തുടർച്ചയായ നാലാം വർഷവും ഫോക്സ്‌വാഗണിനെ മറികടന്ന് ലോകത്തെ ഏറ്റവും വലിയ വാഹന നിർമ്മാതാക്കളെന്ന പദവി നിലനിർത്തിക്കൊണ്ട് 2023-ൽ വിജയഗാഥ തുടർന്നു.

സബ്‌സിഡിയറികളായ ഡയഹാത്സു മോട്ടോർ, ഹിനോ മോട്ടോർസ് എന്നിവയുൾപ്പെടെയുള്ളവരുടെ ആഗോള വിൽപ്പന കഴിഞ്ഞ വർഷത്തെ അപേക്ഷിച്ച് 7.2% വർദ്ധിച്ച് റെക്കോർഡ് 11.2 ദശലക്ഷം വാഹനങ്ങൾ വിറ്റു, ഇതോടെ ഉത്പാദനവും ചരിത്രത്തിലെ ഏറ്റവും ഉയർന്ന നിലയിലെത്തി. 11.5 ദശലക്ഷം യൂണിറ്റുകൾ അസംബ്ലി ലൈനുകളിൽ നിന്ന് പുറത്തുവന്നു, ഇത് 8.6% വർദ്ധനവിന് കാരണമായി.

2023-ൽ ഫോക്സ്‌വാഗൺ 12% വർദ്ധനവോടെ 9.24 ദശലക്ഷം യൂണിറ്റുകൾ വിറ്റെങ്കിലും, ടൊയോട്ടയുടെ  ഒപ്പം നിൽക്കാൻ കഴിഞ്ഞില്ല. 2023-ന്റെ പകുതിയിൽ കമ്പനിയെ അലട്ടിയ വിതരണ ശൃംഖല പ്രശ്‌നങ്ങളിൽ നിന്നുമുള്ള ശ്രദ്ധേയമായ തിരിച്ചുവരവാണ് ടൊയോട്ടയുടെ വിജയത്തിന് പ്രധാന കാരണമായി വിദഗ്ധർ ചൂണ്ടിക്കാണിക്കുന്നത്.

എന്നിരുന്നാലും, ടൊയോട്ടയുടെ ആധിപത്യത്തിന് ന്യൂനതകളുമുണ്ട്. ഹൈബ്രിഡ് ആവശ്യകത ആഗോളതലത്തിലും പ്രത്യേകിച്ച് ജപ്പാനിലും ശക്തമായി തുടരുന്നുണ്ടെങ്കിലും, കമ്പനിയുടെ ഇലക്ട്രിക് വാഹന  വില്പന പിന്നിലാണ്.

 ചൈനയുടെ ബിവൈ ഡി(BYD), 2023-ൽ ഇവി വില്പനയിൽ ഒന്നാം സ്ഥാനം നേടി.  ടൊയോട്ടയുടെ 104,018-നെ അപേക്ഷിച്ച് 3.02 ദശലക്ഷം യൂണിറ്റുകൾ അവർ അധികം വിറ്റു,അതേസമയം ടെസ്‌ല 1.81 ദശലക്ഷം വാഹനങ്ങൾ വിതരണം ചെയ്തു.