ഹരിപ്പാട്: നിയന്ത്രണം തെറ്റിയ ബൈക്ക് വൈദ്യുത പോസ്റ്റില്‍ ഇടിച്ച് യുവാവ് മരിച്ചു. കൂടെ യാത്ര ചെയ്ത രണ്ട് പേര്‍ക്ക് പരിക്കേല്‍ക്കുകയും ചെയ്തു. കാർത്തികപ്പള്ളി വെട്ടുവേനി പള്ളിയ്ക്കല്‍ ഗോപിയുടെ മകന്‍ കാളിദാസൻ (20) ആണ് മരണപ്പെട്ടത്.
അപകടം കെ വി ജെട്ടി കാട്ടില്‍മാർക്കറ്റ് പുത്തൻകരി ക്ഷേത്രത്തിന് സമീപം വൈകിട്ട് 3.30 മണിയോടെയായിരുന്നു.
കാളിദാസനോടൊപ്പം ഉണ്ടായിരുന്ന താമല്ലാക്കല്‍ ഹുസ്ന്‍ മൻസില്‍ ഹാജ് ഹസ്സൻ (20) , എറണാകുളം സ്വദേശി ആകാശ് എന്നിവർ പരിക്കുകളോടെ ആശുപത്രിയില്‍ പ്രവേശിപ്പിക്കപ്പെട്ടു. ദുബായിൽ ജോലി നോക്കി വന്നിരുന്ന കാളിദാസൻ, ശാരീരിക അസ്വസ്ഥതയെ തുടർന്ന് മൂന്ന് ദിവസം മുമ്പാണ് നാട്ടിലെത്തിയത്. മാതാവ് ശ്രീകല സൗദിയിൽ നഴ്സായി ജോലി ചെയ്യുന്നു. മൃതദേഹം ഹരിപ്പാട് താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
