“ദിബ്ലഫ്” എന്ന വരാനിരിക്കുന്ന ചിത്രത്തിൽ പ്രധാന വേഷം കൈയ്യാളാൻ തയ്യാറെടുക്കുകയാണ് നടി പ്രിയങ്ക ചോപ്ര ജോനാസ്. റൂസോ ബ്രദേഴ്സ്’ എജിബിഒ സ്റ്റുഡിയോസും ആമസോൺ എംജിഎം സ്റ്റുഡിയോസും ചേർന്നാണ് ചിത്രം നിർമ്മിക്കുന്നത്. ഡെഡ്‌ലൈൻ റിപ്പോർട്ട് ചെയ്യുന്നതനുസരിച്ച്, ഫ്രാങ്ക് ഇ. ഫ്ലവേഴ്സ്
ആണ് ചിത്രം സംവിധാനം ചെയ്യുന്നത്.
19-ാം നൂറ്റാണ്ടിലെ കരീബിയൻ കടലിൽ ജീവിച്ചിരുന്ന ഒരു മുൻ കടൽക്കൊള്ളക്കാരിയായാണ് ചോപ്ര ജോനാസ് ചിത്രത്തിൽ വേഷമിടുന്നത്. ഭൂതകാലത്തിലെ രഹസ്യങ്ങൾ വീണ്ടും അസ്വസ്ഥതപെടുത്താൻ വരുമ്പോൾ കുടുംബത്തെ സംരക്ഷിക്കാൻ പോരാടുന്ന അവരുടെ കഥയാണ് ചിത്രം പറയുന്നത്. ജോ ബല്ലറിനിയോടൊപ്പം ചേർന്നാണ് ഫ്ലവേഴ്സ് തിരക്കഥ രചിച്ചത്. ഈ വസന്തകാലത്ത് ഓസ്ട്രേലിയയിൽ ചിത്രീകരണം ആരംഭിക്കാനിരിക്കുന്ന ചിത്രം പൂർത്തിയാകുമ്പോൾ പ്രൈം വീഡിയോയിൽ സ്ട്രീമിംഗ് ചെയ്യും.
അന്താരാഷ്ട്ര പ്ലാറ്റ്‌ഫോമുകളിൽ തന്റെ ഫിലിമോഗ്രഫി സജീവമായി വിപുലീകരിച്ചു വരുന്ന ചോപ്ര ജോനാസിന് ഇതൊരു ആവേശകരമായ പുതിയ സംരംഭമാണ്. “ദി ബ്ലഫ്” എന്ന ചിത്രത്തിൽ ധീരയും നിശ്ചയദൃഢയുമായ ഈ കഥാപാത്രത്തെ അവതരിപ്പിക്കുന്നത് കാണാൻ ആരാധകർ കാത്തിരിക്കുകയാണ്
