കാർഷിക-ഭക്ഷ്യ മേഖലയിൽ 100 സ്റ്റാർട്ടപ്പുകൾക്ക് പിന്തുണ നൽകുകയും, നവീകരണങ്ങളെ പ്രോത്സാഹിപ്പിക്കുകയും 2030 ഓടെ 50 ബില്യൺ ഡോളർ കയറ്റുമതി ലക്ഷ്യം കൈവരിക്കുകയുമാണ് ഭാരതിയുടെ പ്രധാന ലക്ഷ്യം.
ആത്മനിർഭർ ഭാരത്യും സ്റ്റാർട്ടപ്പ് ഇന്ത്യയും എന്ന കേന്ദ്ര സർക്കാരിന്റെ ദർശനവുമായി കൈകോർത്താണ് ഈ പദ്ധതി രൂപകൽപ്പന ചെയ്തിരിക്കുന്നത്. ഭാരതി വഴി നവീകരണങ്ങൾക്ക് പ്രോത്സാഹനം നൽകുകയും, ആഗോള മത്സരശേഷി വർധിപ്പിക്കുകയും, കാർഷിക മേഖലയിൽ പ്രതിരോധശേഷി ശക്തിപ്പെടുത്തുകയും ചെയ്യാനാണ് എപിഡയുടെ ശ്രമം.
പദ്ധതിയുടെ ഭാഗമായി സ്റ്റാർട്ടപ്പുകൾക്ക് ഇൻക്യൂബേഷൻ സൗകര്യം, മെന്ററിംഗ്, അന്താരാഷ്ട്ര വിപണികൾ കണ്ടെത്താനുള്ള സഹായം എന്നിവ ലഭ്യമാക്കുമെന്ന് എപിഡ അധികൃതർ അറിയിച്ചു. ഇതുവഴി ഇന്ത്യയുടെ കാർഷിക-ഭക്ഷ്യ കയറ്റുമതി മേഖല ആഗോള വ്യാപാര രംഗത്ത് കൂടുതൽ ശക്തമായ നിലപാട് കൈവരിക്കുമെന്ന് പ്രതീക്ഷിക്കുന്നു.
