സംസ്ഥാന ബജറ്റിൽ പ്രഖ്യാപിച്ച കൊട്ടാരക്കരയും കൊല്ലത്തെയും ഐടി പാർക്ക് പദ്ധതികൾക്ക് കിഫ്‌ബി അംഗീകാരം നൽകി. 160 കോടി രൂപയുടെ ഈ പദ്ധതികൾക്ക് കിഫ്‌ബി ഫണ്ടിംഗ് നൽകും. കൊട്ടാരക്കരയിലെ രവി നഗറിൽ 80 കോടി രൂപ ചെലവിൽ എട്ടുനില കെട്ടിടവും പുതിയ സംവിധാനങ്ങളുമാണ് നിർമിക്കുന്നത്.

കൊല്ലം ഐടി പാർക്കിനു വേണ്ടി  കുരീപ്പുഴയും താമരക്കുളത്തുമുള്ള ഭൂമികളിൽ 50,000 ചതുരശ്ര അടിയിൽ രണ്ട് ഐടി കെട്ടിടങ്ങൾ പണിയും. ഓരോ പദ്ധതിക്കും 40 കോടി രൂപ ചെലവാകുമെന്നാണ് പ്രതീക്ഷ. പദ്ധതിയെ നിർദ്ദിഷ്ട വിഴിഞ്ഞം–കൊല്ലം–പുനലൂർ വളർച്ചാ മുനമ്പുമായും ബന്ധിപ്പിക്കും.