പുനർവിതരണ ദൗത്യങ്ങളില്ലാതെ
ബഹിരാകാശയാത്രികരുടെ കുടിവെള്ള ആവശ്യങ്ങൾ നിറവേറ്റുന്നതിൽ സുപ്രധാന നേട്ടം നാസ കൈവരിച്ചു.
ബഹിരാകാശ യാത്രികരുടെ മൂത്രവും വിയർപ്പും സംസ്കരിച്ച് 98 ശതമാനം ജലം വീണ്ടെടുക്കാനുള്ള
സാങ്കതികവിദ്യയാണ് നാസ വികസിപ്പിച്ചത്
അന്താരാഷ്ട്ര ബഹിരാകാശ നിലയത്തിന്റെ (ഐഎസ്എസ്)) കാര്യത്തിൽ, ഓരോ ക്രൂ അംഗത്തിനും കുടിക്കാനും ഭക്ഷണം തയ്യാറാക്കാനും പല്ല് തേക്കുന്നത് പോലുള്ള ശുചിത്വ ഉപയോഗങ്ങൾക്കുമായി ഓരോ ദിവസവും ഒരു ഗാലൻ വെള്ളം ആവശ്യമാണ്. ദൈർഘ്യമേറിയ ദൗത്യങ്ങളുടെ തുടക്കത്തിൽ ജീവനക്കാർ ബഹിരാകാശത്തേക്ക് കൊണ്ടുപോകുന്ന പ്രാരംഭ ജലത്തിന്റെ 98% വീണ്ടെടുക്കലാണ് നാസയുടെ ലക്ഷ്യം
“നിങ്ങൾ 100 പൗണ്ട് ജലവുമായി ബഹിരാകാശ യാത്ര പുറപെട്ടുവെന്ന് കരുതുക. നിങ്ങൾക്ക് അതിൽ 2 പൗണ്ട് നഷ്ടപ്പെടും, ബാക്കി 98% ചുറ്റിക്കറങ്ങുന്നു. അത് നിലനിർത്തുന്നത് വളരെ മികച്ച നേട്ടമാണ്” ഐ‌എസ്‌എസിലെ ലൈഫ് സപ്പോർട്ട് സിസ്റ്റങ്ങൾ കൈകാര്യം ചെയ്യുന്ന ജോൺസൺ സ്‌പേസ് സെന്ററിലെ ടീമിന്റെ ഭാഗമായ ക്രിസ്റ്റഫർ ബ്രൗൺ ഒരു പ്രസ്താവനയിൽ പറഞ്ഞു.
എൻവയോൺമെന്റൽ കൺട്രോൾ ആൻഡ് ലൈഫ് സപ്പോർട്ട് സിസ്റ്റം (ഇസിഎൽഎസ്എസ്) വഴിയാണ് ബഹിരാകാശ നിലയത്തിൽ മലിന ജലം ശുദ്ധീകരിക്കുന്നത്.
മലിനജലം, ശ്വാസം, വിയർപ്പ് എന്നിവയിൽ നിന്ന് ഈർപ്പം ശേഖരിക്കുന്നതിനും പിടിച്ചെടുക്കുന്നതിനുമുള്ള വാട്ടർ റിക്കവറി സിസ്റ്റവും ഡീഹ്യൂമിഡിഫയറുകളും ബഹിരാകാശ നിലയത്തിലെ ഇസിഎൽഎസ്എസ് ഉൾക്കൊള്ളുന്നു. വാട്ടർ പ്രോസസർ അസംബ്ലി ഈ ശേഖരിച്ച ജലത്തെ കുടിവെള്ളമാക്കി മാറ്റുന്നു.
ഐ‌എസ്‌എസിലെ യൂറിൻ പ്രോസസർ അസംബ്ലി (യുപിഎ) മൂത്രം വാറ്റിയെടുക്കുന്നു, പക്ഷേ ഉപയോഗിക്കാത്ത വെള്ളം അടങ്ങിയ ഉപ്പുവെള്ളം ഉത്പാദിപ്പിക്കുന്നു. ഇത് പരിഹരിക്കാൻ, ബ്രൈൻ പ്രോസസർ അസംബ്ലി (ബിപിഎ)അവശേഷിക്കുന്ന മലിനജലം വേർതിരിച്ചെടുക്കുന്നു. അങ്ങനെ 98% ജല വീണ്ടെടുക്കൽ ലക്ഷ്യം കൈവരിക്കാൻ ബിപിഎയിലൂടെ സാധിക്കുന്നു
“ബിപിഎയ്ക്ക് മുമ്പ്, ഞങ്ങളുടെ മൊത്തം ജലം വീണ്ടെടുക്കൽ ശേഷി മൊത്തത്തിൽ 93 മുതൽ 94% വരെ ആയിരുന്നു,” ഇസിഎൽഎസ്എസ് വാട്ടർ സബ്സിസ്റ്റം മാനേജർ ജിൽ വില്യംസൺ പറഞ്ഞു. “ബ്രൈൻ പ്രോസസറിന് നന്ദി, മൊത്തം ജല വീണ്ടെടുക്കൽ 98% വരെ എത്താൻ കഴിയുമെന്ന് ഞങ്ങൾ ഇപ്പോൾ തെളിയിച്ചിട്ടുണ്ട്.”
വാസ്‌തവത്തിൽ, മുനിസിപ്പൽ ജലസംവിധാനങ്ങൾ ഭൂമിയിൽ ഉൽപ്പാദിപ്പിക്കുന്നതിനെക്കാൾ മികച്ചതാണ് ഐഎസ്‌എസിൽ ഉൽപ്പാദിപ്പിക്കുന്ന ജലമെന്ന് ഗവേഷണ സംഘം ചൂണ്ടിക്കാട്ടുന്നു.
“ജീവനക്കാർ മൂത്രം കുടിക്കുന്നില്ല; ഇവിടെ ഭൂമിയിൽ കുടിക്കുന്നതിനേക്കാൾ ശുദ്ധമായ വിധത്തിൽ ഫിൽട്ടർ ചെയ്യുകയും വൃത്തിയാക്കുകയും ചെയ്ത വെള്ളമാണ് അവർ കുടിക്കുന്നത്.”വില്യംസൺ ചൂണ്ടിക്കാട്ടി.
98% നാഴികക്കല്ല് ഭാവിയിലെ ബഹിരാകാശ ദൗത്യങ്ങൾക്ക് അനുകൂലമായ ഒന്നാണ്, ബഹിരാകാശയാത്രികർ ചന്ദ്രോപരിതലത്തിൽ ദീർഘനേരം തങ്ങുമ്പോഴും ചൊവ്വയിലേക്കുള്ള ദൗത്യങ്ങളിലും കൂടുതൽ സമയം ബഹിരാകാശത്ത് ചെലവഴിക്കുന്നതിനും ഇത് സഹായകമാവും.
