മല്ലോർക്കയ്‌ക്കെതിരായ ആവേശകരമായ ലാലിഗ ഏറ്റുമുട്ടലിൽ, ബാഴ്‌സലോണയുടെ വളർന്നുവരുന്ന  പ്രതിഭയായ 16 വയസ്സ്കാരൻ ലാമിൻ യമൽ, 1-0 വിജയത്തിൽ നിർണായക ഗോൾ നേടി തൻ്റെ മിടുക്ക് പ്രകടിപ്പിച്ചു.  ബാഴ്‌സലോണ കോച്ച് സാവി ഹെർണാണ്ടസിന് യമലും ഇതിഹാസ താരം ലയണൽ മെസ്സിയും തമ്മിലുള്ള സമാനതകൾ തുറന്ന് പറയാതിരിക്കാനായില്ല, അവരുടെ കളിശൈലിയിലെ സമാനതകൾ അദ്ദേഹം ചൂണ്ടിക്കാട്ടി.

  മെസ്സിയോട് താരതമ്യങ്ങൾ ഉണ്ടായിരുന്നിട്ടും യുവ പ്രതിഭയുടെ മേൽ അമിതമായ സമ്മർദ്ദത്തിനെതിരെ മുന്നറിയിപ്പ് നൽകിക്കൊണ്ട് യമാലിൻ്റെ സ്വതസിദ്ധമായ കഴിവുകൾക്ക് സാവി ഊന്നൽ നൽകി. “മെസ്സിയുമായി ഇതുവരെ താരതമ്യം ചെയ്യപെട്ടിട്ടുള്ളവർ പരാജയപെട്ടു”  സാവി തൻ്റെ പോസ്റ്റ്-ഗെയിം കോൺഫറൻസിൽ അഭിപ്രായപ്പെട്ടു.

 യമലിൻ്റെ പ്രകടനം ബാഴ്‌സലോണയ്ക്ക് മൂന്ന് നിർണായക പോയിൻ്റുകൾ ഉറപ്പാക്കുക മാത്രമല്ല, ടീമിൻ്റെ ലൈനപ്പിലെ ഒരു പ്രധാന കളിക്കാരൻ എന്ന അദ്ദേഹത്തിൻ്റെ നില ഉറപ്പിക്കുകയും ചെയ്തു. തൻ്റെ അരങ്ങേറ്റ സീസണിൽ ആറ് ഗോളുകളും ഏഴ് അസിസ്റ്റുകളും നേടി. മല്ലോർക്കയ്‌ക്കെതിരായ മത്സരം വിജയിപ്പിച്ചതിന് കോച്ചിൽ നിന്ന് അവൻ പ്രശംസ നേടി.