പെപ് ഗാർഡിയോളയുടെ ടീമായ മാഞ്ചസ്റ്റർ സിറ്റി ആർബി ലീപ്‌സിഗിനെ 7-0 ന് താഴ്ത്തി ചാമ്പ്യൻസ് ലീഗിന്റെ ക്വാർട്ടർ ഫൈനലിൽ പ്രവേശിച്ചു.എർലിംഗ് ഹാലാൻഡിൻ്റെ മികച്ച പ്രകടനം ആയിരുന്നു മത്സരത്തിൻ്റെ സവിശേഷത.   നോർവീജിയൻ താരം ഒരു മത്സരത്തിൽ അഞ്ച് ഗോളുകളുമായി ചാമ്പ്യൻസ് ലീഗ് റെക്കോർഡിന് ഒപ്പമെത്തി.    ഹാലാൻഡിനെ കൂടാതെ ഇൽകെ ഗുണ്ടോഗനും കെവിൻ ഡി ബ്ര്യൂണും സ്‌കോർ ഷീറ്റിൽ ഉണ്ടായിരുന്നു.
 
ടൂർണമെന്റിന്റെ ആദ്യ പാദത്തിൽ 1-1ന് സമനില പാലിച്ച ശേഷമാണ് ഇരു ടീമുകളും മത്സരത്തിനിറങ്ങിയത്.  ബുധനാഴ്ച സ്വന്തം തട്ടകത്തിൽ സിറ്റി പ്രിയങ്കരായിരുന്നപ്പോൾ, ആതിഥേയരിൽ നിന്ന് ഇത്രയും ക്രൂരത ആരാധകർ പ്രതീക്ഷിച്ചിരുന്നില്ല.  ആദ്യ പകുതിയിൽ ഹാട്രിക്കോടെ സിറ്റിയുടെ എതിരാളികളിൽ നിന്ന് ഹാലാൻഡ് ഗെയിം എടുത്തുമാറ്റി, പകരക്കാരനാകുന്നതിന് മുമ്പ് രണ്ട് ഗോളുകൾ കൂടി തന്റെ പട്ടികയിൽ ചേർത്തു.  സീസണിലെ അദ്ദേഹത്തിന്റെ ഗോൾ നേട്ടം ഇപ്പോൾ 39 ആണ്. രണ്ടാം പകുതിയുടെ തുടക്കത്തിൽ ഗോളുമായി ഇൽകെ ഗുണ്ടോഗനും സ്കോർഷീറ്റിൽ പ്രവേശിച്ചു.

കഴിഞ്ഞ കുറച്ച് മത്സരങ്ങളിലെ പ്രകടനത്തിന്റെ പേരിൽ വിമർശനങ്ങളുടെ കേന്ദ്രമായിരുന്ന കെവിൻ ഡി ബ്രൂയ്‌ൻ കളിയിലുടനീളം തന്റെ മികവ് കാണിച്ചു. അദ്ദേഹത്തിൻ്റെ കഠിനാധ്വാനത്തിന് ഒടുവിൽ 92-ാം മിനിറ്റിൽ നേടിയ ഗോളിലൂടെ ഫലം കണ്ടു. മാൻ സിറ്റി 7-0 ന് സ്കോറിങ് പൂർത്തിയാക്കി.  ശനിയാഴ്ച നടക്കുന്ന എഫ്‌എ കപ്പിന്റെ ക്വാർട്ടർ ഫൈനലിൽ മാൻ സിറ്റി അടുത്തതായി ബേൺലിയെ നേരിടും. പക്ഷെ ഏപ്രിൽ ഒന്നിന് എത്തിഹാദ് സ്റ്റേഡിയത്തിൽ ലിവർപൂളിനെ നേരിടുന്നതാണ് അവരുടെ ഏറ്റവും വലിയ പരീക്ഷണം.