ചൈനീസ് എഐ സ്റ്റാർട്ടപ്പ് ഡീപ്സീക്, ചാറ്റ് ജി പിടി-യെ മറികടന്ന്, യു.എസ്. ആപ്പ് സ്റ്റോറിലെ ഏറ്റവും മികച്ച സൗജന്യ ആപ്പായി മാറി.2025 ജനുവരി 10-ന് ആരംഭിച്ച, ഡീപ്സീക്-ൻ്റെ എ ഐ അസിസ്റ്റൻ്റ് ശക്തമായ ഡീപ്സീക്-വി3 മോഡൽ ഉപയോഗിക്കുന്നു. ഇത് ആഗോളതലത്തിൽ പല ഓപ്പൺ സോഴ്സിനെയും ചില ക്ലോസ്ഡ് സോഴ്സ് എ ഐ മോഡലുകളേയും പോലും മറികടന്നതായി കമ്പനി അവകാശപ്പെടുന്നു.
ആപ്പ് സ്റ്റോർ ചാർത്തുകളിലെ മുകളിലേക്കുള്ള ഈ ദ്രുതഗതിയിലുള്ള കയറ്റം, എ ഐ ഫീൽഡിൽ യുഎസ് ആധിപത്യം എന്ന ദീർഘകാല സങ്കൽപ്പത്തെ വെല്ലുവിളിക്കുകയും, അമേരിക്കയിൽ നിന്നുള്ള ചൈനയിലേക്കുള്ള നൂതന സാങ്കേതിക വിദ്യയുടെ കയറ്റുമതി നിയന്ത്രണങ്ങളുടെ ഫലപ്രാപ്തിയെക്കുറിച്ച് ചോദ്യങ്ങൾ ഉയർത്തുകയും ചെയ്യുന്നു.
ചാറ്റ് ജിപിടി-യേക്കാൾ വേഗത്തിലും കൃത്യമായും പ്രതികരണങ്ങൾ നൽകുന്ന എ ഐ മോഡലിൻ്റെ വേഗതയും കൃത്യതയും ഉൾപ്പെടെ നിരവധി ഘടകങ്ങളാണ് ഡീപ്സീക് അതിൻ്റെ വിജയത്തിന് കാരണമായി പറയുന്നത്. കൂടാതെ, ഡീപ്സീക്കിൻ്റെ എഐ അസിസ്റ്റൻ്റ്, അതിൻ്റെ പല എതിരാളികളേക്കാളും വളരെ കുറഞ്ഞ ബജറ്റിലാണ് വികസിപ്പിച്ചെടുത്തത്, ഇത് ഉപയോക്താക്കൾക്ക് വിപുലമായ ഫീച്ചറുകൾ സൗജന്യമായി നൽകാൻ കമ്പനിയെ അനുവദിക്കുന്നു. കോഡിംഗ്, ഗണിത പ്രവർത്തനങ്ങൾ എന്നിവ പോലുള്ള ടാസ്ക്കുകൾക്കായി പ്രത്യേക മൊഡ്യൂളുകൾ ഉൾപ്പെടുത്തിയത് ആപ്പിൻ്റെ ആകർഷണം വർദ്ധിപ്പിക്കുന്നു.
ഈ നേട്ടത്തിന് ആഗോള എ ഐ ലാൻഡ്സ്കേപ്പിൽ കാര്യമായ പ്രത്യാഘാതങ്ങളുണ്ട്. ചൈനീസ് എ ഐ കമ്പനികൾ നടത്തുന്ന ദ്രുതഗതിയിലുള്ള മുന്നേറ്റങ്ങളും ആഗോള വിപണിയിൽ അവരുടെ വർദ്ധിച്ചുവരുന്ന മത്സരക്ഷമതയും ഇത് പ്രകടമാക്കുന്നു.
