കൊല്ലം ശക്തികുളങ്ങര തീരത്ത് കടലിൽ മറിഞ്ഞ കപ്പലിൽ നിന്നു കരയിലേക്ക് അടിഞ്ഞ ഒമ്പത് കണ്ടെയ്‌നറുകൾ മുറിച്ച് നീക്കം ചെയ്യുന്നതിനിടെ തീപ്പിടിത്തം സംഭവിച്ചു. കണ്ടെയ്‌നറിലെ തെർമോകോൾ കവചത്തിനാണ് തീപിടിച്ചത്. ഗ്യാസ് കട്ടിങ് നടത്തുന്നതിനിടെയാണ് തീ പടർന്നത്. അഗ്നിരക്ഷാസേന ഉടൻ തന്നെ തീ നിയന്ത്രണവിധേയമാക്കി. തീ ആളിക്കത്തിയതോടെ വലിയ തോതിൽ പുക ഉയർന്നു, ഇതു പ്രദേശവാസികളിൽ ഭയവും ആശങ്കയും സൃഷ്ടിച്ചു