അടുത്ത 36 മണിക്കൂറിനുള്ളിൽ ബിപാർജോയ് ചുഴലിക്കാറ്റ് തീവ്രമാകുമെന്നും അടുത്ത രണ്ട് ദിവസത്തിനുള്ളിൽ വടക്ക്-വടക്കുപടിഞ്ഞാറ് ദിശയിലേക്ക് നീങ്ങുമെന്നും ഇന്ത്യൻ കാലാവസ്ഥാ വകുപ്പ് (ഐഎംഡി) പ്രവചിച്ചു.

കാലാവസ്ഥാ ഏജൻസിയുടെ കണക്കനുസരിച്ച്, കിഴക്ക്-മധ്യ അറബിക്കടലിന് മുകളിലുള്ള ചുഴലിക്കാറ്റ് ജൂൺ 8 ന് രാത്രി 11:30 ന് ഗോവയിൽ നിന്ന് 840 കിലോമീറ്റർ പടിഞ്ഞാറ്-തെക്ക് പടിഞ്ഞാറും മുംബൈയിൽ നിന്ന് 870 കിലോമീറ്റർ പടിഞ്ഞാറ്-തെക്ക് പടിഞ്ഞാറും സ്ഥിതി ചെയ്തു.

അടുത്ത 36 മണിക്കൂറിനുള്ളിൽ ക്രമേണ കൂടുതൽ തീവ്രത കൈവരിക്കുകയും അടുത്ത 2 ദിവസത്തിനുള്ളിൽ വടക്ക്-വടക്കുപടിഞ്ഞാറ് ദിശയിലേക്ക് നീങ്ങുകയും ചെയ്യും,’ ഐഎംഡി ഒരു ട്വീറ്റിൽ പറഞ്ഞു.

അറബിക്കടലിൽ ചുഴലിക്കാറ്റ് നാശം വിതച്ച മേഖലകളിൽ മത്സ്യത്തൊഴിലാളികൾ പോകരുതെന്ന് ഐഎംഡി നിർദേശിച്ചു.

അതിനിടെ, കിഴക്കൻ-മധ്യ അറബിക്കടലിൽ രൂപപ്പെട്ട ബൈപാർജോയ് ചുഴലിക്കാറ്റിനെ നേരിടാൻ ഗുജറാത്തിന്റെ തീരദേശ ജില്ലകൾ തയ്യാറെടുക്കുകയാണ്.  ഭരണകൂടം സൈക്ലോൺ ഷെൽട്ടറുകൾ തയ്യാറാക്കുകയും ചുഴലി കാറ്റിന് സാധ്യതയുള്ള  പ്രദേശങ്ങളിൽ നിന്ന് ആളുകളെ ഒഴിപ്പിക്കാനും ബ്ലോക്ക് തലങ്ങളിൽ കൺട്രോൾ റൂമുകൾ സജീവമാക്കാനും പദ്ധതികൾ തയ്യാറാക്കിയിട്ടുണ്ട്.

കൂടാതെ,  ഇന്ത്യൻ ഉപഭൂഖണ്ഡത്തിൽ ഉടനീളം മഴ പെയ്യിക്കുന്ന തെക്കുപടിഞ്ഞാറൻ മൺസൂണിന്റെ പുരോഗതി നിരീക്ഷിച്ചുകൊണ്ടിരിക്കുകയാണെന്ന് ഇന്ത്യൻ കാലാവസ്ഥാ വകുപ്പ് ഉദ്യോഗസ്ഥർ പറഞ്ഞു.
  സാധാരണ എത്തിച്ചേരുന്ന തീയതിയേക്കാൾ ഏഴ് ദിവസം കഴിഞ്ഞ് വ്യാഴാഴ്ചയാണ് കാലവർഷം കേരളത്തിൽ എത്തിയത്

തെക്കുപടിഞ്ഞാറൻ മൺസൂൺ അറബിക്കടലിന്റെ ചില ഭാഗങ്ങൾ, കേരളം, തമിഴ്‌നാടിന്റെ ചില ഭാഗങ്ങൾ, കർണാടക എന്നിവിടങ്ങളിലേക്ക് കൂടുതൽ മുന്നേറുന്നതിന് അനുകൂലമായ സാഹചര്യങ്ങൾ ഉണ്ടെന്ന് ഐഎംഡി പറയുന്നു.