തെക്കുകിഴക്കൻ അറബിക്കടലിന് മുകളിൽ ചക്രവാത ചുഴി സജീവമായി തുടരുന്നതായി ഇന്ത്യാ കാലാവസ്ഥാ വകുപ്പ് അറിയിച്ചു. അറബിക്കടലിൽ രൂപപ്പെട്ട ഈ ചുഴി വരാനിരിക്കുന്ന ദിവസങ്ങളിലെ കാലാവസ്ഥയെ ബാധിക്കുമെന്ന് വിലയിരുത്തപ്പെടുന്നു.

ചുഴിയുടെ സ്വാധീന ഫലമായി കേരളത്തിൽ അടുത്ത അഞ്ച് ദിവസത്തോളം നേരിയ മുതൽ ഇടത്തരം ശക്തിയിലുള്ള മഴയ്ക്ക് സാധ്യതയുണ്ടെന്ന് കാലാവസ്ഥാ പ്രവചനം വ്യക്തമാക്കുന്നു.

നവംബർ 24 മുതൽ 26 വരെ സംസ്ഥാനത്തെ ചില പ്രദേശങ്ങളിൽ ഒറ്റപ്പെട്ട ശക്തമായ മഴയും അനുബന്ധമായി ഇടിമിന്നലും ഉണ്ടാകാമെന്ന് ഐ.എം.ഡി മുന്നറിയിപ്പ് നൽകിയിട്ടുണ്ട്.

തീരപ്രദേശങ്ങളിൽ ഉയർന്ന തിരമാലയും കാറ്റിന്റെ വേഗതയും അനുഭവപ്പെടാൻ സാധ്യതയുള്ളതിനാൽ കേരള – ലക്ഷദ്വീപ് തീരങ്ങളിൽ ഇന്ന് (24/11/2025) മുതൽ 28/11/2025 വരെ മത്സ്യബന്ധനത്തിന് പോകുന്നത് മത്സ്യത്തൊഴിലാളികൾ ഒഴിവാക്കണമെന്ന് നിർദ്ദേശമുണ്ട്