അതിതീവ്ര ന്യുനമർദ്ദം   തെക്കുപടിഞ്ഞാറൻ ബംഗാൾ ഉൾക്കടലിന്റെയും അതിനോട് ചേർന്ന മധ്യ പടിഞ്ഞാറൻ  ബംഗാൾ ഉൾക്കടലിന്റെയും മുകളിലായി ‘മോൻതാ’  ചുഴലിക്കാറ്റായി ശക്തി പ്രാപിച്ചു  സ്ഥിതിചെയ്യുന്നു.

തുടർന്ന്,  വടക്കുപടിഞ്ഞാറ് ദിശയിൽ നീങ്ങി, ഒക്ടോബർ 28-നു രാവിലെയോടെ ഒരു തീവ്ര ചുഴലിക്കാറ്റായി വീണ്ടും ശക്തിപ്രാപിക്കാൻ സാധ്യതയുണ്ട് .

ഒക്ടോബർ 28-നു വൈകുന്നേരം/രാത്രിയോടെ ആന്ധ്രാപ്രദേശ് തീരത്ത് മച്ചിലിപട്ടണംത്തിനും കാലിംഗപട്ടണത്തിനും ഇടയിൽ , കാക്കിനടക്കു സമീപം , തീവ്ര ചുഴലിക്കാറ്റായി  മണിക്കൂറിൽ  പരമാവധി  110 കിലോമീറ്റർ വരെ  വേഗതയിൽ കരയിൽ പ്രവേശിക്കാൻ  സാധ്യതയുണ്ട്.

മധ്യ കിഴക്കൻ   അറബിക്കടലിനു  മുകളിലായി   തീവ്ര ന്യുനമർദ്ദം  സ്ഥിതി ചെയ്യുന്നു . ഇത് അടുത്ത 48 മണിക്കൂറിനുള്ളിൽ   മധ്യ കിഴക്കൻ  അറബിക്കടലിലൂടെ വടക്ക്  വടക്കു കിഴക്കൻ ദിശയിൽ നീങ്ങാൻ  സാധ്യതയുണ്ട്.

കേരളത്തിൽ   അടുത്ത 5 ദിവസം നേരിയ/ ഇടത്തരം  മഴയോ ഇടിയോടുകൂടിയ മഴക്കോ സാധ്യത. ഇന്ന് (ഒക്ടോബർ 27)      ഒറ്റപെട്ട അതി ശക്തമായ  മഴക്കും   ഒക്ടോബർ 27, 28 വരെയുള്ള    തീയതികളിൽ ഒറ്റപ്പെട്ട  ശക്തമായ മഴക്കും  സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.