മുൻ ഇംഗ്ലണ്ട് വിങ്ങർ ജോ കോൾ മാഞ്ചസ്റ്റർ സിറ്റി താരം കെവിൻ ഡി ബ്രൂയ്നയെ വാഴ്ത്തുന്നു. ലോക ഫുട്ബോളിലെ ആക്രമണ മധ്യനിര താരങ്ങളുടെ ഗോഡ്ഫാദർ ആണ് ഡി ബ്രൂയ്‌ന എന്ന് കോൾ പറഞ്ഞു. ഇപ്പോഴും കളിക്കുന്ന താരങ്ങളിൽ മികച്ചവൻ ഡി ബ്രൂയ്‌ന തന്നെയാണ് എന്നും അദ്ദേഹം കൂട്ടിച്ചേർത്തു.
“പ്രിമിയർ ലീഗ് ചരിത്രത്തിലെ എല്ലാ മധ്യനിര താരങ്ങളുടെയും മുകളിൽ നിൽക്കുന്ന കളിക്കാരനാണ് കെവിൻ ഡി ബ്രൂയ്‌ന,” കോൾ പറഞ്ഞു. “ഫ്രാങ്ക് ലാംപാർഡ്, പോൾ സ്‌കോൾസ്, സ്റ്റീവൻ ജെറാർഡ് എന്നിവരെയും എല്ലാവരെയും ഞാൻ ഇതിൽ ഉൾപ്പെടുത്തുന്നുണ്ട്.”
സമീപകാലത്തായി മാഞ്ചസ്റ്റർ സിറ്റിയുടെ വിജയങ്ങളിൽ നിർണായക പങ്കുവഹിച്ചിട്ടുള്ള താരമാണ് ഡി ബ്രൂയിൻ. 2015-ൽ വോൾഫ്സ്ബർഗിൽ നിന്ന് 55 മില്യൺ പൗണ്ടിന് സിറ്റിയിലെത്തിയ അദ്ദേഹം ക്ലബ്ബിന്റെയും രാജ്യത്തിന്റെയും യൂറോപ്പിന്റെയും നേട്ടങ്ങളിൽ നിറഞ്ഞു നിൽക്കുന്നു.
