മുൻ പ്രസിഡൻ്റ് ഡൊണാൾഡ് ട്രംപ് 2024 ലെ യുഎസ് പ്രസിഡൻ്റ് തിരഞ്ഞെടുപ്പിൽ വൈസ് പ്രസിഡൻ്റ് കമലാ ഹാരിസിനെ പരാജയപ്പെടുത്താൻ കഴിഞ്ഞതിന് കാരണം  മുമ്പൊന്നും റിപ്പബ്ലിക്കൻ പാർട്ടിക്ക്  ലഭിക്കാത്ത തരത്തിൽ വിവിധ വംശീയ വിഭാഗങ്ങളിൽ നിന്ന് ലഭിച്ച അപ്രതീക്ഷിത പിന്തുണയാണ്. പരമ്പരാഗത വെളുത്ത, തൊഴിലാളി-വർഗ പിന്തുണക്കാർക്ക് അപ്പുറം അദ്ദേഹത്തിൻ്റെ വോട്ടർ അടിത്തറ  ഗണ്യമായി വികസിപ്പിച്ചെടുക്കാൻ ട്രംപിന് കഴിഞ്ഞു.

ഏകദേശം അഞ്ച് പതിറ്റാണ്ടിനിടെ ഒരു റിപ്പബ്ലിക്കൻ സ്ഥാനാർത്ഥിക്ക് കറുത്ത വർഗ്ഗക്കാരുടെ ഇടയിൽ ഏറ്റവും വലിയ പിന്തുണ ലഭിച്ചത് ഈ ഇലക്ഷനിൽ ആണ്, പ്രത്യേകിച്ചും 45 വയസ്സിന് താഴെയുള്ള കറുത്തവർഗ്ഗക്കാർക്കിടയിൽ ട്രംപിൻ്റെ പിന്തുണ 2020-ലെ തിരഞ്ഞെടുപ്പിനെ അപേക്ഷിച്ച് ഏകദേശം ഇരട്ടിയായി, ഇതിൽ ഏകദേശം 30% പേർ അദ്ദേഹത്തിന് വോട്ട് ചെയ്തു. മൊത്തത്തിൽ രാജ്യത്തെ 21%  കറുത്തവർഗ്ഗക്കാർ ട്രംപിനെ പിന്തുണച്ചു, അതായത് 2020-ൽ നിന്ന് 2% പിന്തുണ വർധിച്ചു.നോർത്ത് കരോലിന, ജോർജിയ തുടങ്ങിയ നിർണായക സ്വിംഗ് സംസ്ഥാനങ്ങളിൽ കറുത്തവരുടെ വോട്ടിൻ്റെ വിഹിതത്തിൽ ട്രംപിന് 5 ശതമാനം പോയിൻ്റ് വർധനയുണ്ടായി. 

52 വർഷത്തിനിടെ ഒരു റിപ്പബ്ലിക്കൻ പാർട്ടിക്ക് വേണ്ടിയുള്ള ഏറ്റവും മികച്ച പ്രകടനം കൈവരിച്ച ട്രംപ് ,ഹിസ്പാനിക് വോട്ടർമാരുടെ ഇടയിൽ കാര്യമായ മുന്നേറ്റം നടത്തി. എൻബി സി ന്യൂസിന്റെ റിപ്പോർട്ട് പ്രകാരം 45% ലാറ്റിനോ വോട്ട്  നേടാൻ ട്രംപിന് സാധിച്ചു. ഹിസ്പാനിക് വോട്ടർമാർ ഗണ്യമായ സ്വാധീനം ചെലുത്തുന്ന ഫ്ലോറിഡ, ടെക്സസ് തുടങ്ങിയ പ്രധാന സംസ്ഥാനങ്ങളിൽ ജനസംഖ്യാപരമായ മാറ്റം നിർണായകമായിരുന്നു.

മറ്റു വിഭാഗങ്ങളുടെ ഇടയിൽ ഒരു ഫോക്‌സ് ന്യൂസ്/അസോസിയേറ്റഡ് പ്രസ് എക്‌സിറ്റ് പോൾ പ്രകാരം ജൂതന്മാരിൽ 66% പേർ ഹാരിസിന് വോട്ട് ചെയ്തപ്പോൾ 32% പേർ ട്രംപിന് വോട്ട് ചെയ്തു.മുസ്ലിം വിഭാഗങ്ങൾക്കിടയിൽ ട്രംപ് 32 ശതമാനം വോട്ട് നേടിയപ്പോൾ ഹാരിസ് 63 ശതമാനം വോട്ട് നേടി

ന്യൂനപക്ഷ വോട്ടർമാർക്കപ്പുറം, മറ്റ് നിരവധി പ്രധാന ഗ്രൂപ്പുകൾക്കിടയിൽ ട്രംപ് തൻ്റെ ആകർഷണം ശക്തിപ്പെടുത്തി:

ഇത്തവണത്തെ ഇലക്ഷനിൽ സ്ത്രീ വോട്ടർമാരെ അകറ്റിനിർത്തിയേക്കാവുന്ന ഗർഭച്ഛിദ്ര അവകാശങ്ങളെക്കുറിച്ചുള്ള ആശങ്കകൾക്കിടയിലും, ട്രംപിന് വെള്ളക്കാരായ പുരുഷന്മാർക്കും  സ്ത്രീകൾക്കും ഇടയിൽ തൻ്റെ പിന്തുണ വർദ്ധിപ്പിക്കാൻ കഴിഞ്ഞു, ഇതു കൂടാതെ ആദ്യതവണ വോട്ടർമാരിൽ വലിയൊരു വിഭാഗവും ട്രംപിനെ പിന്തുണച്ചു.

ട്രംപ് ശ്രദ്ധേയമായ നേട്ടങ്ങൾ കൈവരിച്ചപ്പോൾ, കമല ഹാരിസ് കറുത്തവർഗ്ഗക്കാരായ സ്ത്രീകൾക്കിടയിൽ ശക്തമായ പിന്തുണ നിലനിർത്തി,അവരുടെ 91% വോട്ടുകൾ നേടാൻ ഹാരിസിന് കഴിഞ്ഞു.  ഈ കണക്ക് 2020 ൽ മുൻ പ്രസിഡൻ്റ് ജോ ബൈഡന് ലഭിച്ച പിന്തുണയേക്കാൾ അല്പം കൂടുതലാണ്.

വൈറ്റ് ഹൗസിലേക്കുള്ള ട്രംപിൻ്റെ വിജയകരമായ യാത്രയിൽ ഈ ജനസംഖ്യാപരമായ മാറ്റങ്ങൾ നിർണായക പങ്ക് വഹിച്ചു.  തൻ്റെ സഖ്യം വിശാലമാക്കുന്നതിലൂടെ, പരമ്പരാഗത ഡെമോക്രാറ്റിക് കോട്ടകളെ മറികടക്കാൻ ട്രംപിന് കഴിഞ്ഞു .ബ്ലാക്ക്,ഹിസ്പാനിക്, ആദ്യ വോട്ടർമാർ എന്നിവർക്കിടയിലെ അദ്ദേഹത്തിൻറെ വർദ്ധിച്ച ജനപ്രിയത  ഹാരിസിനെതിരെ വിജയം ഉറപ്പിക്കാൻ അദ്ദേഹത്തിന് കഴിഞ്ഞു.