ഇലക്‌ട്രിക് വാഹനങ്ങളുടെ വില കുറയ്‌ക്കേണ്ടിവരുമെന്ന് ടെസ്‌ല ഇൻക് മുന്നറിയിപ്പ് നൽകിയതിനെത്തുടർന്ന് ടെസ് ലയുടെ ഓഹരികൾ ഇടിഞ്ഞു ഇലോൺ മസ്‌കിന്റെ ആസ്തി വ്യാഴാഴ്ച 20.3 ബില്യൺ ഡോളർ കുറഞ്ഞു.

മഡ്കിൻ്റെ 234.4 ബില്യൺ ഡോളറിൻ്റെ മൊത്തം ആസ്തിയിലെ ഇടിവ് ബ്ലൂംബെർഗ് ബില്യണയേഴ്‌സ് ഇൻഡക്‌സിലെ ഏഴാമത്തെ വലിയ ഇടിവാണ്, കൂടാതെ ലോകത്തിലെ ഏറ്റവും വലിയ സമ്പന്നരായ മസ്‌കും ബെർണാഡ് അർനോൾട്ടും തമ്മിലുള്ള സമ്പത്തിന്റെ വിടവ് കൂടുതൽ ചുരുങ്ങി.മസ്‌കിന്റെ സമ്പത്ത് ഇപ്പോഴും ആഡംബര ഉൽപ്പന്ന നിർമ്മാതാക്കളായ എൽവിഎംഎച്ചിന്റെ ചെയർമാനായ അർനോൾട്ടിന്റേതിനെക്കാൾ ഏകദേശം 33 ബില്യൺ ഡോളർ കൂടുതലാണ്.

നാസ്ഡാക്കിൻ്റെ സുചിക 2.3 ശതമാനം കുറഞ്ഞപ്പോൾ മസ്ക് മാത്രമല്ല തകർച്ച നേരിട്ടത്, ആമസോണിൻ്റെ ജെഫ് ബെസോസ്, ഒറാക്കിളിൻ്റെ  ലാരി എലിസൺ, മുൻ മൈക്രോസോഫ്റ്റ് സിഇഒ സ്റ്റീവ് ബാമർ, മെറ്റയുടെ മാർക്ക് സക്കർബർഗ്, ആൽഫബെറ്റിൻ്റെ സഹസ്ഥാപകരായ ലാറി പേജ്, സെർജി ബ്രിൻ എന്നിവരുടെ ആസ്തികളിൽ മൊത്തത്തിൽ 20.8 ബില്യൺ ഡോളറിൻ്റെ മുല്യ ശോഷണം സംഭവിച്ചു

ഓസ്റ്റിൻ ആസ്ഥാനമായുള്ള ടെസ്‌ലയുടെ ഓഹരികൾ ന്യൂയോർക്കിൽ 9.7 ശതമാനം ഇടിഞ്ഞ് 262.90 ഡോളറിലെത്തി, ഏപ്രിൽ 20 ന് ശേഷമുള്ള ഏറ്റവും കുറഞ്ഞ നിരക്കാണിത്.

52 കാരനായ മസ്‌ക് തന്റെ സമ്പത്ത് പ്രധാനമായും ടെസലയുടെ ഓഹരിയിൽ നിന്നും സ്‌പേസ് എക്‌സ്‌പ്ലോറേഷൻ ടെക്‌നോളജീസ്, ട്വിറ്റർ എന്നിവയിലെ ഓഹരികളിൽ നിന്നുമാണ് നേടിയെടുത്തത്. ടെസ്‌ലയുടെ ഓഹരികൾ 136 ശതമാനം വർധിച്ചതിനാൽ ഈ വർഷം ബുധനാഴ്ച വരെ അദ്ദേഹത്തിന്റെ സമ്പത്ത് 118 ബില്യൺ ഡോളർ വർദ്ധിച്ചു.

74 കാരനായ അർനോൾട്ടിന്റെ ആസ്തി ഈ വർഷം 39 ബില്യൺ ഡോളർ വർദ്ധിച്ച് 201.2 ബില്യൺ ഡോളറായി.