പുതിയതായി കണ്ടെത്തിയ ഫീനിക്സ് എന്ന എക്സോപ്ലാനറ്റ് ശാസ്ത്രജ്ഞരെ അമ്പരപ്പിക്കുന്നു. ഒരു ചുവന്ന ഭീമൻ നക്ഷത്രത്തിൽ നിന്നുള്ള തീവ്രമായ വികിരണം ഉണ്ടായിരുന്നിട്ടും അത് നശിക്കാതെ നില നില്ക്കുന്നു .

 1,800 പ്രകാശവർഷം അകലെ സ്ഥിതി ചെയ്യുന്ന ഫീനിക്സ് എന്ന അപരനാമമുള്ള TIC 365102760 എന്ന എക്സോപ്ലാനറ്റാണ് ഈ അതിശയിപ്പിക്കുന്ന ഗ്രഹം. നക്ഷത്രവുമായുള്ള.അതിൻ്റെ സാമീപ്യം കണക്കിലെടുക്കുമ്പോൾ ഈ ഗ്രഹം ഒരു  പാറയായിരിക്കണം. പക്ഷെ കഠിന ചൂടിൽ  വീങ്ങിയ ഒരു അന്തരീക്ഷമാണ് ഗ്രഹത്തിനുള്ളത്.നക്ഷത്ര ജ്വാലകളിൽ നിന്ന് ഉയരാനുള്ള കഴിവിന് വിളിപ്പേരുള്ള ഫീനിക്സ് ഒരു “ചൂടുള്ള നെപ്റ്റ്യൂൺ” ആണ്. എന്നാൽ നമ്മുടെ സൗരയൂഥത്തിലെ നെപ്ട്യൂണിൽ നിന്ന് വ്യത്യസ്തമായി, അത് അതിൻ്റെ നക്ഷത്രത്തോട് വളരെ അടുത്താണ്.

 എന്നാൽ 100 ദശലക്ഷം വർഷത്തിനുള്ളിൽ ഫീനിക്‌സിനെ അതിൻ്റെ നക്ഷത്രം വിഴുങ്ങുമെന്ന് ശാസ്ത്രജ്ഞർ പ്രവചിക്കുന്നു.  എന്നിരുന്നാലും, ഫീനിക്സിൻ്റെ അസ്തിത്വം എക്സോപ്ലാനറ്റുകളുടെ അവിശ്വസനീയമായ വൈവിധ്യത്തെയും ഗ്രഹ പരിണാമത്തിൻ്റെ അപ്രതീക്ഷിത പാതകളെയും എടുത്തുകാണിക്കുന്നു.

 “ഈ ഗ്രഹം ഞങ്ങളുടെ പ്രതീക്ഷകളെ തകർക്കുന്നു,” ജോൺസ് ഹോപ്കിൻസ് യൂണിവേഴ്സിറ്റിയിലെ ജ്യോതിശാസ്ത്രജ്ഞനായ ടീം ലീഡർ സാം ഗ്രൻബ്ലാറ്റ് പറഞ്ഞു.  ” ഞങ്ങൾ വിചാരിച്ചതിനേക്കാൾ വളരെ വലുതും സാന്ദ്രത കുറവുമാണ് ഇതിൻ്റെ അന്തരീക്ഷത്തിന്. അത് എങ്ങനെ പിടിച്ചുനിൽക്കുന്നു എന്നത് ഒരു വലിയ രഹസ്യമാണ്.”

 ഫീനിക്‌സ് ചുറ്റുന്ന  നക്ഷത്രം ഒരു ചുവന്ന ഭീമനാണ്.  ഏകദേശം 10 ബില്യൺ വർഷങ്ങൾക്ക് ശേഷം, നക്ഷത്രത്തിൻ്റെ ഹൈഡ്രജൻ ഇന്ധനം തീർന്നു, അതിൻ്റെ കാമ്പ് തകരുകയും പുറം പാളികൾ വീർക്കുകയും ചെയ്തു.  ഫീനിക്സ് 5.6 ദശലക്ഷം മൈൽ ചുട്ടുപൊള്ളുന്ന ദൂരത്തിൽ പരിക്രമണം ചെയ്യുന്നു – അതായത് ഭൂമി-സൂര്യൻ ദൂരത്തിൻ്റെ വെറും 6% – അതിൻ്റെ ഫലമായി വെറും 4.2 ഭൗമദിനങ്ങൾ നീണ്ടുനിൽക്കുന്നതാണ് ഫിനിക്ക്സിൻ്റെ ഒരു വർഷം.

  ഫീനിക്സ് അതിശയകരമാംവിധം വലുതും ഭാരം കുറഞ്ഞതുമാണ്.  ഭൂമിയുടെ 6 മടങ്ങ് വീതിയും 20 മടങ്ങ്  പിണ്ഡവും ഉണ്ടെങ്കിലും, അറിയപ്പെടുന്ന ഏറ്റവും സാന്ദ്രതയും ചൂടുമുള്ള ” നെപ്റ്റ്യൂണിനേക്കാൾ 60 മടങ്ങ് സാന്ദ്രത കുറവാണ് ഇതിന്.  ഈ കുറഞ്ഞ സാന്ദ്രത സൂചിപ്പിക്കുന്നത് നക്ഷത്രത്തിൻ്റെ ചൂട് ഫീനിക്സിൻ്റെ അന്തരീക്ഷത്തെ  പ്രതീക്ഷിച്ചതിലും വളരെ സാവധാനത്തിൽ നീക്കം ചെയ്യുന്നു എന്നാണ്.

 “ഒരു ചുവന്ന ഭീമനെ ഭ്രമണം ചെയ്യുന്നതായി കണ്ടെത്തിയിട്ടുള്ളതിൽ വച്ച് ഏറ്റവും ചെറുതും ഏറ്റവും കുറഞ്ഞ പിണ്ഡമുള്ളതുമായ ഗ്രഹമാണ് ഫീനിക്സ്,” ഗ്രൻബ്ലാറ്റ് പറഞ്ഞു.  “അതിൻ്റെ നീണ്ടുനിൽക്കുന്ന അന്തരീക്ഷം ഒരു വലിയ പ്രഹേളികയാണ്. സമാനമായ, ചെറുതും, സാന്ദ്രമായ ചൂടുള്ളതുമായ നെപ്റ്റ്യൂണുകൾ തീവ്രമായ അന്തരീക്ഷത്തിൽ പെട്ടെന്ന് നശിച്ച് പോകും.”

 ഏകദേശം 5 ബില്യൺ വർഷങ്ങൾക്കുള്ളിൽ, നമ്മുടെ സ്വന്തം സൂര്യൻ ഭൂമി ഉൾപ്പെടെയുള്ള ആന്തരിക ഗ്രഹങ്ങളെ വിഴുങ്ങി ഒരു ചുവന്ന ഭീമനായി മാറും.  ഫീനിക്‌സിനെ പഠിക്കുന്നത് ഭൂമിയുടെ ആത്യന്തിക വിധിയെക്കുറിച്ചുള്ള സൂചനകൾ നൽകിയേക്കാം.