റോമൻ കത്തോലിക്കാ സഭയുടെ ചങ്ങനാശേരി അതിരൂപത മുൻ ആർച്ച് ബിഷപ്പ് മാർ ജോസഫ് പൗവത്തിൽ കാലം ചെയ്തു.  അദ്ദേഹത്തിന് 92 വയസ്സായിരുന്നു.

1930 ഓഗസ്റ്റ് 14നു കുറുമ്പനാടം പൗവത്തില്‍ കുടുംബത്തില്‍ ജനിച്ച മാര്‍ ജോസഫ് പൗവത്തില്‍ 1962 ഒക്ടോബര്‍ 3 നാണ് പൗരോഹിത്യം സ്വീകരിച്ചത്.

1972 ജനുവരി 29 ല്‍ ചങ്ങനാശേരി അതിരൂപതയുടെ സഹായ മെത്രാനായി അദ്ദേഹത്തെ പ്രഖ്യാപിച്ചു. 1985-ൽ കർദിനാൾ മാർ ആന്റണി പടിയറയുടെ പിൻഗാമിയായി ചങ്ങനാശ്ശേരി അതിരൂപതയുടെ മെത്രാപ്പോലീത്തൻ ആർച്ച് ബിഷപ്പായി. അതിനുമുമ്പ്, 1977-ൽ കാഞ്ഞിരപ്പള്ളി രൂപതയിൽ  അദ്ദേഹം  ബിഷപ്പായിരുന്നു.

1993 മുതൽ 1996വരെ കെ.സി.ബി.സി പ്രസിഡന്റും 1994 മുതൽ 1998വരെ സി.ബി.സി.ഐ പ്രസിഡന്റുമായിരുന്നു.
ചങ്ങനാശേരി അതിരൂപതയുടെ  വളർച്ചയ്ക്കായി നിരന്തരം പ്രവർത്തിച്ച മാർ പൗവത്തിലിനെ ക്രൗൺ ഓഫ് ദ ചർച്ച് എന്നാണ് സഭാപിതാക്കന്മാർ  വിശേഷിപ്പിക്കുന്നത്.

2007 മാർച്ച് 19ന് മാർ ജോസഫ് പൗവത്തിൽ വിരമിച്ചു. അന്നുമുതൽ അദ്ദേഹം മെത്രാപ്പോലീത്തൻ എമിരിറ്റസ് ആയിരുന്നു.
അദ്ദേഹം ചങ്ങനാശേരി ആര്‍ച്ച് ബിഷപ്‌സ് ഹൗസില്‍ വിശ്രമജീവിതം നയിച്ചുവരികയായിരുന്നു.