ചെറുതുരുത്തിയിൽ ഭാരതപ്പുഴയിൽ ഒരു കുടുംബത്തിലെ നാല് പേർ മുങ്ങി മരിച്ചു.ചെറുതുരുത്തി സ്വദേശികളായ കബീർ (47), ഇയാളുടെ ഭാര്യ ഷാഹിന (35), ഇവരുടെ 10 വയസ്സുള്ള മകൾ സെറ ഫാത്തിമ, ഷാഹിനയുടെ അനന്തരവൻ ഫുവാദ് സനിൻ (12) എന്നിവരാണ് മരിച്ചത്.

 വൈകുന്നേരം 5.30 ഓടെ നദീതീരത്ത് കളിച്ചുകൊണ്ടിരുന്ന സെറയും ഫുവാദും അബദ്ധത്തിൽ വെള്ളത്തിലേക്ക് തെന്നി വീണതാണ് സംഭവം.  കുട്ടികൾ അപകടത്തിൽ പെട്ടത് ശ്രദ്ധയിൽപ്പെട്ട കബീറും ഷാഹിനയും രക്ഷപ്പെടുത്താൻ ഓടിയെത്തിയെങ്കിലും ശക്തമായ അടിയൊഴുക്കിൽപ്പെട്ട് മരണം സംഭവിക്കുകയായിരുന്നു