കോഴിക്കോട്: ഞായറാഴ്ച വൈകുന്നേരം തിക്കോടി ബീച്ചിൽ രണ്ട് സ്ത്രീകൾ ഉൾപ്പെടെ നാല് പേർ കടലിൽ മുങ്ങിമരിച്ചു. വയനാട് ജില്ലയിലെ കൽപ്പറ്റയിൽ നിന്നുള്ള 26 അംഗ വിനോദസഞ്ചാര സംഘത്തിലെ അഞ്ചുപേർ കടലിൽ ഇറങ്ങിയപ്പോഴാണ് അപകടം ഉണ്ടായത്.

പ്രദേശവാസികളും മത്സ്യത്തൊഴിലാളികളും ചേർന്ന് അവരെ രക്ഷപ്പെടുത്താൻ ശ്രമിച്ചെങ്കിലും നാലുപേരുടെ ജീവൻ രക്ഷിക്കാനായില്ല. രക്ഷപ്പെടുത്തിയ ഒരാളെ സമീപത്തെ ആശുപത്രിയിൽ പ്രവേശിപ്പിച്ചിട്ടുണ്ട്.

അപകടത്തിൽപ്പെട്ടവരിൽ എല്ലാവരും കൽപ്പറ്റയിലെ ഒരു ജിംനേഷ്യത്തിലെ അംഗങ്ങളും ജീവനക്കാരുമാണ്. അവധി ദിനത്തെ ആഘോഷിക്കാനാണ് സംഘം തിക്കോടി ബീച്ചിലെത്തിയത്.