റാഞ്ചിയിൽ ഇംഗ്ലണ്ടിനെതിരായ നാലാം ടെസ്റ്റിൻ്റെ നാലാം ദിനം ഇന്ത്യ 5 വിക്കറ്റിന് ഇംഗ്ലണ്ടിനെ പരാജയപ്പെടുത്തി. ഇന്ത്യ 5 വിക്കറ്റ് നഷ്ടത്തിൽ 192 എന്ന വിജയ സ്കോർ നേടി. ഇന്ത്യ വിജയിക്കുമ്പോൾ ശുഭ്മാൻ ഗിൽ 52 ഉം ധ്രുവ് ജുറൽ 39 ഉം റൺസുമായി ബാറ്റ് ചെയ്യുകയായിരുന്നു.

രാവിലെ ഓപ്പണർമാരായ രോഹിത് ശർമ്മയും യശസ്വി ജയ്‌സ്വാളും റൺസ് വാരിക്കൂട്ടി മികച്ച കൂട്ടുകെട്ടു പടുത്തുയർത്തി. ഇരുവരും ചേർന്ന് 84 റൺസ് ഓപ്പണിംഗ് കൂട്ടുകെട്ടുണ്ടാക്കിയപ്പോൾ ശർമ്മയുടെ മികച്ച ഫിഫ്റ്റി ഇന്ത്യയുടെ വിജയത്തിന് അടിത്തറയിട്ടു.  ഇതിനിടയിൽ ഇംഗ്ലണ്ടിൻ്റെ ജോ റൂട്ട്  ജയ്‌സ്വാളിൻ്റെ നിർണായക വിക്കറ്റ് സ്വന്തമാക്കി.ശർമ്മയെ ടോം ഹാർട്ട്‌ലി പുറത്താക്കിയത് ഇംഗ്ലണ്ടിൻ്റെ ഉയിർത്തെഴുന്നേൽപ്പിന് കൂടുതൽ കരുത്തേകി, എന്നാൽ ഉച്ചഭക്ഷണത്തിന് ശേഷം ഷോയിബ് ബഷീറിൻ്റെ ഇരട്ട വിക്കറ്റ് നേട്ടം മത്സരത്തിൽ പുതിയ അനിശ്ചിതത്വം സൃഷ്ടിച്ചു.  ഇംഗ്ലണ്ടിൻ്റെ ആവേശകരമായ പോരാട്ടങ്ങൾക്കിടയിലും, ഇന്ത്യയുടെ യുവ ജോഡികളായ ശുഭ്മാൻ ഗില്ലും ധ്രുവ് ജുറലുംസന്ദർശകരുടെ ആക്രമണാത്മക തന്ത്രങ്ങളെ പരാജയപ്പെടുത്തി.  അർധസെഞ്ചുറി തികച്ച ഗില്ലും അവസാനം വരെ ജുറലും പുറത്താകാതെ നിന്നപ്പോൾ 72 റൺസിൻ്റെ ക്ഷമാപൂർവമായ കൂട്ടുകെട്ടാണ് ഇന്ത്യയെ വിജയത്തിലേക്ക് നയിച്ചത്.

നേരത്തെ, രവിചന്ദ്രൻ അശ്വിൻ (5 വിക്കറ്റ്)  കുൽദീപ് യാദവ് (4 വിക്കറ്റ്) എന്നിവരുടെ മികച്ച ബൗളിംഗ് പ്രകടനത്തെ തുടർന്ന് ഇംഗ്ലണ്ട് രണ്ടാം ഇന്നിംഗ്സിൽ 145 റൺസിന് പുറത്തായി. 

ധ്രുവ് ജുറൽ ‘പ്ലെയർ ഓഫ് ദി മാച്ച്’ ആയി തിരഞ്ഞെടുക്കപ്പെട്ടു.ഈ വിജയത്തോടെ ഇന്ത്യ പരമ്പരയിൽ 3-1ന് ലീഡ് നേടി.അഞ്ചാമത്തെയും അവസാനത്തേയും ടെസ്റ്റ് മാർച്ച് 7 ന് ആരംഭിക്കും

സ്കോർ: ഇംഗളണ്ട് – ഒന്നാം ഇന്നിംഗ്സ് 353, രണ്ടാം ഇന്നിംഗ്സ് 145. ഇന്ത്യ ഒന്നാം ഇന്നിംഗ്സ് 307, രണ്ടാം ഇന്നിംഗ്സ് 192 (5)