ഗുണനിലവാരമില്ലാത്ത മരുന്നുകളുടെ പേരിൽ 18 ഫാർമ കമ്പനികൾ പൂട്ടുകയും ലൈസൻസ് റദ്ദാക്കുകയും ചെയ്‌തു.  ഡ്രഗ്‌സ് കൺട്രോളർ ജനറൽ ഓഫ് ഇന്ത്യ, ഡിസിജിഐ 76 കമ്പനികളിൽ പരിശോധന നടത്തി, സംയുക്ത പരിശോധനയ്ക്ക് ശേഷം 26 കമ്പനികൾക്ക് കാരണം കാണിക്കൽ നോട്ടീസ് നൽകുകയും 3 കമ്പനികളുടെ ഉൽപ്പന്ന അനുമതി റദ്ദാക്കുകയും ചെയ്തു. 20 സംസ്ഥാനങ്ങളിൽ കേന്ദ്ര-സംസ്ഥാന സംഘങ്ങൾ നടത്തിയ പരിശോധനയ്ക്ക് ശേഷം  18 ഫാർമ കമ്പനികൾ അടച്ചുപൂട്ടാൻ ആവശ്യപ്പെട്ടു.

ഹിമാചൽ പ്രദേശ്, എംപി, ഉത്തരാഖണ്ഡ് എന്നിവിടങ്ങളിൽ നിന്നാണ് ഭൂരിഭാഗം കമ്പനികളും പ്രവർത്തിക്കുന്നത്.  ഫാർമ കമ്പനികൾക്കെതിരെ കേന്ദ്രം നടത്തിയ അടിച്ചമർത്തലിന്റെ ഭാഗമായാണ് ഉത്തരവുകൾ വന്നത്, ഏകദേശം 15 ദിവസത്തോളം പതിശോധന നടത്തി.

കേന്ദ്ര-സംസ്ഥാന സർക്കാരുകളുടെ സംയുക്ത സംഘമാണ് അപ്രതീക്ഷിത നടപടി സ്വീകരിച്ചത്.  മായം കലർന്ന മരുന്നുകളുടെ ഉൽപ്പാദനം തടയുകയും  മരുന്നുകളുടെ ഉത്പാദനത്തിൽ നിലവാരം പുലർത്തുകയും ചെയ്യുക എന്നതായിരുന്നു സ്‌പെഷ്യൽ ഡ്രൈവിന്റെ ലക്ഷ്യം. 

203 ഫാർമ കമ്പനികളെ കണ്ടെത്തുകയും 76 കമ്പനികൾക്കെതിരെ നടപടി സ്വീകരിക്കുകയും ചെയ്തത് സംയോജിത പ്രവർത്തനങ്ങളുടെ ആദ്യ ഘട്ടമാണ്.  തുടർന്നും ശക്തമായ നടപടികൾ ഉണ്ടാകും.